ബംഗളൂരു: പ്രധാന്മന്ത്രി കിസാന് സമ്മാന് യോജന പദ്ധതിയില് ചേരാത്ത സംസ്ഥാനങ്ങളെ വിമര്ശിച്ച് പ്രധാനമന്ത്രി നരേന്ദ്ര മോദി. ഇത്തരം രാഷ്ട്രീയ നിലപാടുകള് കര്ഷക സമൂഹത്തെ ആകമാനം തകര്ക്കുമെന്നും അദ്ദേഹം. ഈ പുതുവര്ഷത്തില് ഇങ്കിലും കിസാന് സമ്മാന് യോജനയില് ചേരാത്ത് സംസ്ഥാനങ്ങള് അതില് അംഗങ്ങളാകണം. പദ്ധതി പ്രകാരം ഈ സര്ക്കാര് ആറു കോടി കര്ഷകര്ക്ക് 12,000 കോടി രൂപ നല്കും. തുംകുരുവില് നടന്ന യോഗത്തില് സംസാരിക്കുകയായിരുന്നു പ്രധാനമന്ത്രി.
കര്ഷകരുടെ ആവശ്യങ്ങള് മനസിലാക്കിയാണ് ഈ സര്ക്കാര് പ്രവര്ത്തിക്കുന്നത്. വിളകളെ അടിസ്ഥാനപ്പെടുത്തിയല്ല മറിച്ച് എല്ലാത്തരം കര്ഷകരെ ഏക സമൂഹമായാണു സര്ക്കാര് കാണുന്നത്. നിങ്ങളുടെ പ്രതീക്ഷയ്ക്കൊത്തുള്ള പദ്ധതികള് രൂപീകരിക്കാനാണ് സര്ക്കാര്സ ശ്രമിക്കുന്നത്.
കര്ഷകന് അവന്റെ അധ്വാനത്തിന്റെ മൂല്യം പൂര്ണമായി അവര്ക്കു തന്നെ ലഭ്യമാക്കാനാണ് സര്ക്കാര് ശ്രമം. ഇടനിലക്കാരെ ഒഴിവാക്കി പണം കര്ഷകരുടെ അക്കൗണ്ടിലേക്ക് നേരിട്ട് എത്തിക്കുകയാണ് ഇപ്പോള്. സര്ക്കാരിന്റെ വിവിധ പദ്ധതികള് പ്രകാരം കാര്ഷികോത്പാദന മേഖലയില് വളര്ച്ച രേഖപ്പെടുത്തുകയാണെന്നും പ്രധാനമന്ത്രി. ജലസേചന പദ്ധതികള് പൂര്ത്തിയാക്കുക, മണ്ണിന്റെ ആരോഗ്യ കാര്ഡ് തുടങ്ങിയ കാര്ഷിക മേഖല മെച്ചപ്പെടുത്തുന്നതിന് സര്ക്കാര് നിരവധി സംരംഭങ്ങള് സ്വീകരിച്ചിട്ടുണ്ട്. മത്സ്യത്തൊഴിലാളികള്ക്ക് സാമ്പത്തിക സഹായം, ബോട്ടുകളുടെ നവീകരണം, മത്സ്യബന്ധനവുമായി ബന്ധപ്പെട്ട അടിസ്ഥാന സൗകര്യ വികസനം എന്നിവയാണ് മത്സ്യത്തൊഴിലാളി മേഖലയ്ക്കായി നടപ്പാക്കിയതെന്നും മോദി.
