ന്യൂദല്ഹി: തുടര്ച്ചയായ 29ാം വര്ഷവും ഇന്ത്യയും പാക്കിസ്ഥാനും ആ പതിവ് തെറ്റിച്ചില്ല. നയതന്ത്രകരാര് പ്രകാരം ഇരുരാജ്യങ്ങളും തങ്ങളുടെ ആണവായുധ സ്ഥലങ്ങളുടെ പട്ടിക പരസ്പരം കൈമാറി. ഏതെങ്കിലും സാഹചര്യത്തില് പരസ്പരം ആക്രമണം ഉണ്ടായാല് ഇത്തരം സ്ഥലങ്ങളെ ആക്രമിക്കാതിക്കാനുള്ള ഉടമ്പടി പ്രകാരമാണിത്. ന്യൂഡല്ഹിയിലേയും ഇസ്ലാമാബാദിലേയും നയതന്ത്രകാര്യാലയങ്ങള് വഴിയാണ് പട്ടിക കൈമാറിയത്.
കശ്മീര് വിഷയത്തില് ഇരുരാജ്യങ്ങളും തമ്മിലുള്ള ബന്ധം വഷളായി തുടരുന്ന സാഹചര്യത്തിലും ഇത്തരത്തിലുള്ള പട്ടിക കൈമാറ്റം നയതന്ത്രപരമായി ഏറെ നിര്ണായകമാണ്. 1988 ഡിസംബര് ഒന്നിന് ഒപ്പിട്ട കാര് 1991 ജനുവരി 27നാണ് പ്രാബല്യത്തില് വന്നത്. കരാറിലെ മാനദണ്ഡങ്ങള് പാലിച്ചാണ് ആണവായുധ ശേഖര സ്ഥലങ്ങളുടെ പട്ടിക ഇരുരാജ്യങ്ങളും കൈമാറുന്നത്. 1992 ജനുവരി ഒന്നു മുതല് എല്ലാ വര്ഷവും ജനുവരി ഒന്നിന് പതിവു തെറ്റാതെ ഈ പട്ടിക കൈമാറ്റം നടക്കാറുണ്ട്.
