തിരുവനന്തപുരം : രണ്ടാംലോക കേരളസഭ ഇന്ന് തിരുവനന്തപുരത്ത് ആരംഭിക്കും. മൂന്ന് ദിവസം നീണ്ടു നില്ക്കുന്ന സഭ ഇന്ന് വൈകീട്ട് ഗവര്ണര് ആരിഫ് മുഹമ്മദ് ഖാന് ഉഘോടനം ചെയ്യും. മുഖ്യമന്ത്രി പിണറായി വിജയന് അധ്യക്ഷത വഹിക്കും.
ഒന്നിക്കാം സംവദിക്കാം മുന്നേറാം എന്ന മുദ്രാവാക്യവുമായി ചേരുന്ന രണ്ടാം ലോകകേരളസഭ യില് 47 രാജ്യങ്ങളില് നിന്നുള്ള പ്രതിനിധികള് പങ്കെടുക്കും. വ്യാഴം, വെള്ളി ദിവസങ്ങളില് നിയമസഭയിലെ ശങ്കര നാരായണന് ഹാളിലാണ് പ്രതിനിധി സമ്മേളനം നടക്കില്ല. കേരളത്തില് നിന്നുള്ള പാര്ലമെന്റ്, നിയമസഭാംഗങ്ങള് ഉള്പ്പടെ 351 പേര് ലെക കേരള സഭയില് പങ്കെടുക്കും.
വ്യാഴാഴ്ച രാവിലെ ഒമ്പത് മണിക്ക് പിണറായി വിജയന് സഭയില് നയരേഖ അവതരിപ്പിക്കും. ലോക കേരള സഭ സ്ഥിരം വേദിയാക്കാനുള്ള നിയമ നിര്മാണത്തിനുള്ള കരടും ഇതോടൊപ്പം ചര്ച്ച ചെയ്യും.
അതേസമയം ലോക കേരള സഭയില് പങ്കെടുക്കില്ലെന്ന് പ്രതിപക്ഷം അറിയിച്ചു. സമ്മേളനത്തിന്റെ സ്ഥിരം വേദിയായ നിയമസഭയിലെ ശങ്കരനാരായണന് തമ്പി ഹാളിന്റെ നവീകരണം ധൂര്ത്താണെന്നാരോപിച്ചാണ് പ്രതിപക്ഷം ചടങ്ങ് ബഹിഷ്കരിക്കുന്നത്. സംസ്ഥാനം കടുത്ത സാമ്പത്തിക പ്രതിസന്ധി നേരിടുന്ന സാഹചര്യത്തില് ആര്ഭാടത്തോടെയുള്ള ചടങ്ങിന്റെ നടത്തിപ്പ് അംഗീകരിക്കാനാവില്ലെന്ന് ചെന്നിത്തല അറിയിച്ചു.
