ഇന്ത്യന് നേവിയുടെ നേവല് ആര്മമെന്റ് ഇന്സ്പെക്ടറേറ്റ് കേഡര് സ്കീമില് ഓഫീസര് ഒഴിവ്. പെര്മനന്റ് കമ്മീഷന് ഓഫീസര് ആകാനും എക്സിക്യൂട്ടീവ് ആന്ഡ് ടെക്നിക്കല് ബ്രാഞ്ചുകളില് ഷോര്ട്ട് സര്വീസ് കമ്മീഷന് ഓഫീസറാകാനുമാണ് അപേക്ഷ ക്ഷണിച്ചിരിക്കുന്നത്. നിലവില് 91 ഒഴിവുകളാണ് റിപ്പോര്ട്ട് ചെയ്യപ്പെട്ടിരിക്കുന്നത്. എന്ജിനീയറിംഗ് ബിരുദധാരികള് മാത്രം അപേക്ഷിച്ചാല് മതിയാകും. ഓണ്ലൈനായിമാത്രമെ അപേക്ഷ സമര്പ്പിക്കാന് സാധിക്കുകയുള്ളു. വിജ്ഞാപനം വൈകാതെ പുറപ്പെടുവിക്കും.
2021 ജനുവരിയില് ഏഴിമല നാവിക അക്കാദമിയില് കോഴ്സ് തുടങ്ങും. ഒന്നിലേറെ കേഡറുകളിലേക്ക് അപേക്ഷിക്കാന് യോഗ്യതയുള്ളവര് ഒരപേക്ഷ മാത്രം സമര്പ്പിച്ചാല് മതി. ഓരോ വിഭാഗങ്ങളിലേക്കും അപേക്ഷിക്കാന് ആവശ്യമായ യോഗ്യത, ശാരീരിക യോഗ്യത എന്നിവ സംബന്ധിച്ച വിവരങ്ങള് www.nausenabharti.nic.in എന്ന വെബ്സൈറ്റില് നല്കിയിട്ടുണ്ട്.
തെരഞ്ഞെടുപ്പ്: ബംഗളൂരു/ഭോപ്പാല്/കോയമ്പത്തൂര് എന്നിവിടങ്ങളില് എസ്എസ്ബി ഇന്റര്വ്യൂ നടത്തും. രണ്ടു ഘട്ടങ്ങളിലായാണ് ഇന്റര്വ്യൂ നടത്തുന്നത്. ആദ്യമായി എസ്എസ്ബി ഇന്റര്വ്യൂവില് പങ്കെടുക്കുന്നവര്ക്ക് രണ്ടാം ക്ലാസ് യാത്രാ ബത്ത നല്കും. ഏഴിമല നാവിക അക്കാദമിയിലാണ് പ്രാഥമിക പരിശീലനം.
അപേക്ഷിക്കേണ്ട വിധം: www. nausenabharti.nic.in വെബ്സൈറ്റ് വഴി ഇ-ആപ്ലിക്കേഷന് സമര്പ്പിക്കണം. അപേക്ഷകര്ക്ക് ഇ-മെയില് വിലാസം, മൊബൈല് നമ്പര് എന്നിവ നിര്ബന്ധമായും ഉണ്ടായിരിക്കണം. ശരിയായ രീതിയില് അപേക്ഷ പൂരിപ്പിച്ചു കഴിയുമ്പോള് ആപ്ലിക്കേഷന് നമ്പര് ലഭിക്കും. ആപ്ലിക്കേഷന് നമ്പര് സഹിതമുള്ള അപേക്ഷയുടെ രണ്ടു പ്രിന്റൗട്ട് എടുക്കണം. അതില് ഒരെണ്ണത്തില് ഒപ്പിട്ട് രേഖകള് സ്റ്റേപ്പിള് ചെയ്ത് സാധാരണ തപാലില് അയയ്ക്കണം. കൂടുതല് വിവരങ്ങള്ക്ക് www. nausenabharti.nic.in.
