കോഴിക്കോട്: കണ്ണൂര് സര്വകലാശാലയില് ചരിത്ര കോണ്ഗ്രസ്സിന്റെ ഉദ്ഘാടന സമ്മേളനത്തിനിടെ ഗവര്ണര് ആരിഫ് മുഹമ്മദ് ഖാനെ മാര്ക്സിസ്റ്റ് ചരിത്രകാരന് ഇര്ഫാന് ഹബീബ് ശാരീരികമായി തടസ്സപ്പെടുത്തിയതും ഭീഷണിപ്പെടുത്തിയതും അങ്ങേയറ്റം അപലപനീയമാണെന്ന് എഴുത്തുകാരും സാംസ്കാരിക പ്രവര്ത്തകരും പൗരപ്രമുഖരും പ്രസ്താവനയില് പറഞ്ഞു. പൗരത്വ ഭേദഗതി നിയമത്തിനെതിരായി രാജ്യത്തിന്റെ വിവിധയിടങ്ങളില് നടക്കുന്ന പ്രതിഷേധത്തെക്കുറിച്ച് പ്രസംഗത്തില് പരാമര്ശിച്ച ഗവര്ണര്ക്കെതിരെ ഇടതുപക്ഷ പ്രതിനിധികള് മുദ്രാവാക്യം വിളിച്ച് പാഞ്ഞടുക്കുകയായിരുന്നു. ഇര്ഫാന് ഹബീബും മുന് പ്രാസംഗികരും
പൗരത്വ ഭേദഗതി നിയമത്തെക്കുറിച്ച് പറഞ്ഞതിനോട് പ്രതികരിക്കുക മാത്രമാണ് ഗവര്ണര് ചെയ്തത്. ഗവര്ണറുടെ എഡിസിഎയെയും സുരക്ഷാ ഉദ്യോഗസ്ഥരെയും ഹബീബ് തള്ളി മാറ്റി. ക്രമസമാധാനം സംരക്ഷിക്കേണ്ട പോലീസ്, ഇടതുപക്ഷക്കാരുടെ ഭാഗത്തു നിന്നുണ്ടായ ജനാധിപത്യവിരുദ്ധവും അപരിഷ്കൃതവും മൃഗീയവുമായ നടപടികള് ചെറുക്കാതെയിരുന്നത് ദൗര്ഭാഗ്യകരമാണ്.
ഗവര്ണറെ ശാരീരികമായി ആക്രമിക്കുകയും ദേശീയഗാനത്തെ അപമാനിക്കുകയും ചെയ്ത തെമ്മാടികള്ക്കെതിരെ നിയമ നടപടിയെടുക്കണം. സംവാദത്തിന്റെ വാതില് കൊട്ടിയടച്ച് അക്രമത്തെ പ്രോത്സാഹിപ്പിക്കുകയാണ് പ്രതിനിധികള് ചെയ്തതെന്ന് ആരിഫ് മുഹമ്മദ് ഖാന് പറഞ്ഞതിനെ അനുകൂലിക്കുന്നു. അക്കാദമിക സുതാര്യതയെയും പാണ്ഡിത്യത്തെയും നശിപ്പിച്ച് സ്റ്റാലിനിസത്തിനും ഹിംസയ്ക്കും വഴിയൊരുക്കുന്ന ഇന്ത്യന് ചരിത്ര കോണ്ഗ്രസിലെ ഒരു വിഭാഗം പ്രതിനിധികളുടെ കാടത്തവും തെമ്മാടിത്തവും അപലപനീയമാണ്. ഈ അപരിഷ്കൃത നടപടിയെ ശക്തമായി അപലപിക്കണമെന്നും ഗവര്ണ്ണറെ പിന്തുണയ്ക്കണമെന്നും ജനാധിപത്യ വിശ്വാസികളോട് അവര് അഭ്യര്ത്ഥിച്ചു.
ഡോ.സി.ഐ. ഐസക്ക് (ഐസിഎച്ച്ആര് അംഗം), ആര്. സഞ്ജയന്, ടി.പി. സെന്കുമാര്, അലി അക്ബര്, ഡോ.സി.വി. ജയമണി, ഡോ.സി.എം. ജോയ്, ഡോ.കെ.സി. അജയകുമാര്, ഹരി.എസ്. കര്ത്ത, അഡ്വ.കെ.എ ബാലന്, ഡോ. ജി.രാമമൂര്ത്തി, കല്ലറ അജയന്, എസ്. രതീഷ്കുമാര്, പ്രൊഫ.എന്. പ്രസന്നകുമാര്, ഡോ.എന്.ആര്. മധു, പ്രൊഫ.വി. സുഭാഷ്കുമാര്, പ്രൊഫ.സി.ജി. രാധാകൃഷ്ണന് നമ്പൂതിരി, ഡോ.കെ.എന്. മധുസൂദനന് പിള്ള, ഡോ.ജി. അശോകന്, രജി ചന്ദ്രശേഖരന്, പ്രൊഫ.ജി. കരുണാകരന് പിള്ള, പ്രൊഫ.എം.എസ്. രമേശന് നായര്, ജി.കെ. സുരേഷ്ബാബു, വിഷ്ണു എം. നായര്, ഡോ.സി.എ. പ്രിയേഷ്, അഡ്വ.ടി. അജിത് കുമാര്, എം.എസ്. ഗിരി, പ്രൊഫ. ശ്രീവരാഹം ചന്ദ്രശേഖരന് നായര്, പി.കെ. രഘുവര്മ്മ, ഡോ.ആര്. രാധാകൃഷ്ണന് പിള്ള, പ്രൊഫ.വി. തങ്കമണി, ഡോ. അനില് വൈദ്യമംഗലം, ഡോ. പൂജപ്പുര കൃഷ്ണന് നായര്, കെ. അയ്യപ്പന് പിള്ള, ഡോ. നന്ത്യത്ത് ഗോപാലകൃഷ്ണന്, ഡോ.എന്. അജിത്കുമാര്, ഡോ.എസ്. ഉമാദേവി, ഡോ.എം.പി. അജിത്കുമാര്, ഡോ.എം. ഗീത, ഡോ. ഗംഗ, ഡോ.എം. രാജലക്ഷ്മി, വത്സന് നെല്ലിക്കോട്, പി.ബാലകൃഷ്ണന്, ഡോ. ഉള്ളൂര് എം. പരമേശ്വരന്, ഐ.എസ്. കുണ്ടൂര്, കെ. മോഹന്ദാസ്, മാടവന ബാലകൃഷ്ണപിള്ള, ഡോ. ശ്രീശൈലം ഉണ്ണികൃഷ്ണന് തുടങ്ങിയവരാണ് പ്രസ്താവനയില് ഒപ്പുവച്ചിട്ടുള്ളത്
