തിരുവനന്തപുരം : കോണ്ഗ്രസ് സ്ഥാപക ദിനത്തോടനുബന്ധിച്ച് സംഘടിപ്പിച്ച പരിപാടിക്കായി പതാക ഉയര്ത്താനാകാതെ സംസ്ഥാന നേതാക്കള്. 134ാം സ്ഥാപക ദിനത്തില് കെപിസിസി ആസ്ഥാന മന്ദിരമായ ഇന്ദിരാ ഭവനില് നാടകീയ രംഗങ്ങളാണ് ഇത്തവണയുണ്ടായത്.
സ്ഥാപക ദിനാചരണത്തിനായി കോണ്ഗ്രസ് പതാക ഉയര്ത്തല് ഉള്പ്പടെയുള്ള പരിപാടികള്ക്ക് നേരത്തെ തന്നെ സജ്ജീകരണങ്ങള് ഒരുക്കിയതാണ്. പരിപാടികള്ക്ക് തുടക്കമിട്ട് കെപിസിസി അധ്യക്ഷന് മുല്ലപ്പള്ളി രാമചന്ദ്രന് പതാക ഉയര്ത്താന് ശ്രമിച്ചെങ്കിലും കയറില് കുടുങ്ങി ഉയര്ന്നിച്ച. പകരം താഴേക്ക് പതിക്കുകയാണ് ചെയ്തത്. അതിനുശേഷം രമേഷ് ചെന്നിത്തലയും കൊടിക്കുന്നില് സുരേഷ് ഉള്പ്പടെയുള്ള നേതാക്കളും പതാക ഉയര്ത്താന് ശ്രമിച്ചെങ്കിലും അതിനു സാധിച്ചില്ല. ഇതോടെ പതാകയും മറ്റ് സജ്ജീകരിച്ച സേവാദള് പ്രവര്ത്തകരെ വിമര്ശിച്ച് അമര്ഷം തീര്ക്കുകയായിരുന്നു. തുടര്ന്ന് ഇന്ദിരാഭവനില് നേതാക്കള് പാര്ട്ടി ദിനം ആചരിച്ച് മടങ്ങുകയായിരുന്നു.
കോണ്ഗ്രസ്സിന്റെ കൊടി കെട്ടുന്നത് എങ്ങിനെയെന്ന് പോലും അറിയാത്ത എന്ത് സേവാദള് പ്രവര്ത്തകരാണ്. കൊടി എങ്ങിനെ കെട്ടണമെന്ന് അറിയില്ലെങ്കില് അത് അറിയാവുന്നവരെ ഏല്പ്പിക്കണമെന്നും രാജ്മോഹന് ഉണ്ണിത്താന് എംപി വിമര്ശിച്ചു. അതേസമയം കൊടി കുടങ്ങിയതോടെ അവിടെയുണ്ടായിരുന്ന മാധ്യമങ്ങളെ ഇത് ചിത്രീകരിക്കുന്നത് തടഞ്ഞതായും ആരോപണമുണ്ട്. സേവാദള് പ്രവര്ത്തകരാണ് മാധ്യമങ്ങളെ തടഞ്ഞത്.
