ഇന്‍ഡോര്‍: പൗരത്വ ഭേദഗതി നിയമം അടിവേരിളക്കുമെന്ന തിരിച്ചറിവും നിയമത്തിലൂടെ അനധികൃത കുടിയേറ്റക്കാരെ കണ്ടെത്തിയാല്‍ വോട്ട് ബാങ്കിനെ ബാധിക്കുമെന്ന ഭയവും ബംഗാള്‍ മുഖ്യമന്ത്രി മമതാ ബാനര്‍ജിയുടെ മാനസിക നില തകരാറിലാക്കിയെന്ന് ബിജെപി ദേശീയ ജനറല്‍ സെക്രട്ടറി കൈലാഷ് വിജയ്വര്‍ഗീയ. എന്‍ആര്‍സിക്കും പൗരത്വ ഭേദഗതി നിയമത്തിനുമെതിരെ പ്രതിഷേധിക്കാന്‍ വിദ്യാര്‍ത്ഥികളോട് മമത ആഹ്വാനം ചെയ്തതിനു പിന്നാലെയാണ് വിജയ്വര്‍ഗീയയുടെ പ്രതികരണം.
ബംഗാളിലെ അനധികൃത കുടിയേറ്റക്കാരെ കണ്ടെത്തുമെന്നും അത് തന്റെ വോട്ട് ബാങ്കിനെ ബാധിക്കുമെന്നും മനസിലായതോടെ മമതയുടെ മാനസിക നില തകരാറിലാണ്. തന്റെ അടിവേരിളകിയെന്ന് തിരിച്ചറിഞ്ഞതോടെയാണ് മമതക്ക് നിയന്ത്രണം നഷ്ടമായിരിക്കുന്നത്. മമതയെ വൈദ്യപരിശോധനക്ക് വിധേയയാക്കണമെന്നും വിജയ്വര്‍ഗീയ പറഞ്ഞു. കൊല്‍ക്കത്തയില്‍ നടന്ന ഒരു റാലിയിലാണ് മമത വിദ്യാര്‍ത്ഥികളോട് പ്രതിഷേധിക്കണമെന്ന് ആഹ്വാനം ചെയ്തത്.
