കോഴിക്കോട്: പൗരത്വ നിയമത്തിനെതിരായി പോപ്പുലര് ഫ്രണ്ടിനോടൊപ്പം യുപിയില് കലാപം അഴിച്ചുവിട്ട എല്ലാ സിപിഎം നേതാക്കളെ അറസ്റ്റ് ചെയ്യാന് ഉത്തരവിട്ട യുപി മുഖ്യമന്ത്രിക്കെതിരെ ഡിവൈഎഫ്ഐ നേതാവ് പിഎ മുഹമ്മദ് റിയാസ്. സിപിഎം ജില്ലാ കമ്മിറ്റി യോഗം ഞങ്ങള് ജയിലിലും നടത്തും, സമരം ഞങ്ങള് തെരുവിലും തുടരുമെന്നാണ് റിയാസ് ഫേസ്ബുക്ക് പോസ്റ്റിലൂടെ പറഞ്ഞിരിക്കുന്നത്.
പോപ്പുലര് ഫ്രണ്ടിനൊപ്പം ചേര്ന്ന് കലാപം നടത്തിയ വരണാസിയിലെ സിപിഎം ജില്ല കമ്മിറ്റിയിലെ മുഴുവന് അംഗങ്ങളെയുമാണ് പോലീസ് ജയിലില് അടച്ചത്. ആകെ മൂന്നു പേരാണ് ജില്ലാ കമ്മറ്റിയില് ഉള്ളത്. സമരത്തിന് പിന്നില് ചുവപ്പ് ജിഹാദി സംഘടനകളാണെന്നുള്ളതിന്റെ തെളിവുകളാണ് വാരണാസിയില് നിന്ന് പുറത്തുവരുന്നത്. അക്രമം നടത്തുന്നവരുടെ പാര്ട്ടി നോക്കാതെ നടപടി സ്വീകരിക്കുമെന്ന് മുഖ്യമന്ത്രി യോഗി ആദിദ്യനാഥ് പറഞ്ഞു.
നിയമത്തിനെതിരെന്ന വ്യാജേന പോപ്പുലര് ഫ്രണ്ട് ഓഫ് ഇന്ത്യ കരുതിക്കൂട്ടി പ്രതിഷേധങ്ങള് സൃഷ്ടിക്കുകയാണെന്ന് ഉത്തര്പ്രദേശ് പോലീസ് കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് നടപടി. പൗരത്വ നിയമത്തിന്റെ പേരില് സംസ്ഥാനത്ത് വന് കലാപങ്ങളാണ് നടന്നത്. ഇതിനു പിന്നില് ജിഹാദി സംഘടനകള്ക്ക് വ്യക്തമായ പങ്കുള്ളതായി തെളിഞ്ഞിരുന്നു. പോലീസിന് നേരെയും പലയിടത്തും ആക്രമണമുണ്ടായി.
കലാപങ്ങള്ക്കു പിന്നില് പോപ്പുലര് ഫ്രണ്ടിന്റെ പങ്കാളിത്വം ഉണ്ടെന്ന് ആഭ്യന്തര മന്ത്രാലയവും കണ്ടെത്തിയിരുന്നു. ഒരോ സംസ്ഥാനങ്ങളിലും ഇവര് വ്യക്തമായ ആസൂത്രണം നടത്തിയാണ് കലാപം അഴിച്ചുവിട്ടത്. ഇക്കാര്യം സംബന്ധിച്ച് വിശദമായ അന്വേഷണത്തിന് ആഭ്യന്തരമന്ത്രാലയം നിര്ദേശം നല്കി. ഇതിന്റെ ഭാഗമായി എല്ലാ സംസ്ഥാന സര്ക്കാരുകളോട് ആഭ്യന്തര മന്ത്രാലയം റിപ്പോര്ട്ട് തേടിയിട്ടുണ്ട്. യുപിയിലെ മീററ്റ്, മുസഫര് നഗര് എന്നിവിടങ്ങളില് നടന്ന ആക്രമണങ്ങളില് അറസ്റ്റില് ആയ പോപ്പുലര് ഫ്രണ്ട് നേതാക്കള് കേരളം സന്ദര്ശിച്ചിരുന്നതായി യു പി പോലീസ് പറഞ്ഞു.
അക്രമ സംഭവങ്ങള്ക്കു പിന്നില് സിമിയുടെ സാന്നിധ്യമുണ്ടെന്നും പോപ്പുലര്ഫ്രണ്ടിന് ഇതുമായി ബന്ധമുണ്ടെന്നും യുപി ഉപമുഖ്യമന്ത്രി ദിനേശ് ശര്മ കഴിഞ്ഞദിവസം വ്യക്തമാക്കിയിരുന്നു. ഇതുസംബന്ധിച്ച് അന്വേഷണം തുടങ്ങിയതായി ഡിജിപി ഒ.പി. സിങ്ങും അറിയിച്ചിട്ടുണ്ട്. കേരളത്തില് മാസങ്ങളോളം തങ്ങിയവരാണ് അക്രമങ്ങള്ക്ക് നേതൃത്വം നല്കിയതെന്നും യുപി പോലീസ് പറഞ്ഞു. ഇക്കാര്യത്തെക്കുറിച്ചുള്ള വിവരങ്ങള് കേരളത്തിലെ ഡിജിപിയ്ക്ക് കൈമാറുമെന്നും പോലീസ് വ്യക്തമാക്കി.
