തിരുവനന്തപുരം: കഞ്ചാവ് കച്ചവടക്കാരെ സാംസ്കാരിക നായകരാക്കി മാറ്റുന്ന പരിപാടി നമുക്ക് അവസാനിപ്പിക്കാമെന്ന് യുവമോര്ച്ച സെക്രട്ടറി സന്ദീപ് ജി.വാര്യര്. റിമേച്ചി കഞ്ചാവ് ബീഡി എടുക്കാന് ഉണ്ടാകുമോ ഒരെണ്ണം? എന്നു ചോദിച്ചുള്ള ഫേസ്ബുക്ക് പോസ്റ്റിലാണ് അദേഹം ഇക്കാര്യം പറഞ്ഞത്.
കേന്ദ്ര സര്ക്കാര് പാസാക്കിയ പൗരത്വ ഭേദഗതി നിയമത്തിനെതിരേ കൊച്ചിയില് ജാഥ നടത്തുകയും പ്രസംഗിക്കുകയും ചെയ്ത സിനിമക്കാരെ സന്ദീപ് നേരത്തെ വിമര്ശിച്ചിരുന്നു. പൊളിറ്റിക്കല് സ്റ്റേറ്റ്മെന്റ് നടത്തുന്ന നടിമാരുടെ ശ്രദ്ധക്കണം. ഇന്കംടാക്സ് ഒക്കെ അടയ്ക്കുന്നെന്ന് ഉറപ്പാക്കണം, കയ്യോടെ പിടിച്ചാല് ജാഥ നടത്താന് കഞ്ചാവ് ടീംസ് ഒന്നുമുണ്ടാവില്ലെന്നും അദേഹം ഓര്മിപ്പിച്ചിരുന്നു. നടി നിമിഷ സജയന്, റിമ കല്ലിങ്കല് അടക്കം ചില നടിമാര് കഴിഞ്ഞ ദിവസം കൊച്ചിയില് നടന്ന ജാഥയില് പങ്കെടുത്ത് പ്രസംഗിച്ചിരുന്നു.
മുന്പിലുള്ള മൈക്കും ജനക്കൂട്ടവും കണ്ട് പൊളിറ്റിക്കല് സ്റ്റേറ്റ്മെന്റ് നടത്തുന്ന സിനിമാക്കാരുടെ ശ്രദ്ധക്ക് . പ്രത്യേകിച്ച് നടിമാരുടെ ശ്രദ്ധയ്ക്ക്. ഇന്കംടാക്സ് ഒക്കെ അച്ഛനോ സഹോദരനോ കൃത്യമായ ഇടവേളകളില് അടയ്ക്കുന്നുണ്ടെന്ന് ഉറപ്പുവരുത്തുക. നാടിനോടുള്ള പ്രതിബദ്ധത കൃത്യമായി നികുതിയടച്ച് തെളിയിക്കുന്നതില് പലപ്പോഴും നവ സിനിമാക്കാര് വീഴ്ച വരുത്താറുണ്ട്. ഇക്കാര്യം ഇന്കംടാക്സ്, എന്ഫോഴ്സ്മെന്റ് എന്നിവര് ശ്രദ്ധിക്കുമെന്ന് കരുതുന്നു. നാളെ നികുതി വെട്ടിപ്പ് കയ്യോടെ പിടിച്ചാല് പൊളിറ്റിക്കല് വെണ്ടേറ്റ എന്നു പറഞ്ഞ് കണ്ണീരൊഴുക്കരുത് . അന്നു നിങ്ങള്ക്കൊപ്പം ജാഥ നടത്താന് കഞ്ചാവ് ടീംസ് ഒന്നുമുണ്ടാവില്ലന്നാണ് അദേഹം ഫേസ്ബുക്കില് പോസ്റ്റ് ചെയ്തത്. ഇതിന്റെ തുടര്ച്ചയായണ് കഞ്ചാവ് കച്ചവടക്കാരെ സാംസ്കാരിക നായകരാക്കി മാറ്റുന്ന പരിപാടി നമുക്ക് അവസാനിപ്പിക്കാമെന്ന് സന്ദീപ് ആഹ്വാനം ചെയ്തത്.
