തിരുവനന്തപുരം: പൗരത്വ ഭേദഗതി നിയമത്തിനെതിരെയുള്ള സമരം മറയാക്കി സംഘര്ഷങ്ങള് അഴിച്ചുവിടാന് കോണ്ഗ്രസിന്റെ ശ്രമം. കോണ്ഗ്രസിന്റെ വിദ്യാര്ഥി സംഘടനയായ കെഎസ്യു അക്രമങ്ങള് സൃഷ്ടിക്കാന് കരുതികൂട്ടിയുള്ള ഗൂഢാലോചന നടത്തുന്നുണ്ട്. ഇതിന്റെ ഭാഗമായി തിരുവനന്തപുരം പേരൂര്ക്കടയില് ഐഎസ്ആര്ഒക്കെതിരേയും കെഎസ്യു പ്രതിഷേധം നടത്തി.
കെഎസ്യുവിന്റെ പ്രതിഷേധവുമായി ബന്ധപ്പെട്ട് ഇന്റര്നെറ്റിലൂടെ പ്രചരിക്കുന്ന ചിത്രത്തില് ജനക്കൂട്ടം ഐഎസ്ആര്ഒയുടെ ഗവണ്മെന്റ് ഓഫ് ഇന്ത്യ എന്ന് എഴുതിയിരിക്കുന്ന ബസ് തടയുന്നുണ്ട്.
സംസ്ഥാനത്തിന്റെ വിവിധ ഭാഗങ്ങളില് പൗരത്വ നിയമത്തിനെതിരേയും ദേശീയ പൗരത്വ രജിസ്റ്ററിനെതിരെയും കോണ്ഗ്രസ്-ഇടത് സംഘടനകള് പ്രക്ഷോഭങ്ങളുടെ പേരില് ബോധപൂര്വ്വമായ അക്രമങ്ങള് അഴിച്ചുവിടുകയാണ്.
കഴിഞ്ഞ ദിവസം പൗരത്വ നിയമത്തില് അസഹിഷ്ണിത കാട്ടി എസ്എഫ്ഐ ഗുണ്ടകള് തൃശൂര് കേരള വര്മ്മ കോളേജില് അധ്യാപകരുടെ മുന്നിലിട്ട് എബിവിപി പ്രവര്ത്തകരെ ക്രൂരമായി മര്ദ്ദിച്ചിരുന്നു. ഇതിന്റെ ദൃശ്യങ്ങള് ഔദ്യോഗിക ട്വിറ്ററിലൂടെ എബിവിപി പുറത്ത് വിടുകയും ചെയ്തിരുന്നു.
