തിരുവനന്തപുരം: അറിവ്, ആരോഗ്യം, ആത്മീയത എന്നീ ആശയങ്ങളെ മുന്നിര്ത്തിയുള്ള 87-ാമത് ശിവഗിരി മഹാതീര്ഥാടനം ഈ മാസം 30 ന് തുടങ്ങി 2020 ജനുവരി ഒന്നിന് സമാപിക്കും. 30ന് രാവിലെ രാവിലെ 7.30ന് സ്വാമി വിശുദ്ധാനന്ദ ധര്മപതാക ഉയര്ത്തും. 10ന് ഉപരാഷട്രപതി വെങ്കയ്യനായിഡു തീര്ഥാടനം ഉദ്ഘാടനം ചെയ്യും. ഗവര്ണര് ആരിഫ് മുഹമ്മദ്ഖാന് അധ്യക്ഷത വഹിക്കും. കേന്ദ്രമന്ത്രി വി. മുരളീധരന് മുഖ്യാതിഥിയാകും. ധര്മസംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ അനുഗ്രഹപ്രഭാഷണം നടത്തും.
11.30ന് വിദ്യാഭ്യാസം ശാസ്ത്ര സാങ്കേതിക പരിശീലന സമ്മേളനം മന്ത്രി സി. രവീന്ദ്രനാഥ് ഉദ്ഘാടനം ചെയ്യും. 2.30ന് ശുചിത്വ ആരോഗ്യ സമ്മേളനം മന്ത്രി കെ.കെ. ശൈലജ ഉദ്ഘാടനം ചെയ്യും. വൈകിട്ട് 5.30ന് ഈശ്വരഭക്തി സമ്മേളനം ബിജെപി മുന് സംസ്ഥാന അധ്യക്ഷന് കുമ്മനം രാജശേഖരന് ഉദ്ഘാടനം ചെയ്യും.
31ന് രാവിലെ ആറിന് മഹാസമാധി മന്ദിരത്തില് സമൂഹപ്രാര്ഥന, ഘോഷയാത്ര. രാവിലെ 10ന് തീര്ഥാടന സമ്മേളനം മുഖ്യമന്ത്രി പിണറായി വിജയന് ഉദ്ഘാടനം ചെയ്യും. സെനറ്റ് പാര്ലമെന്റ് ഓഫ് മലേഷ്യന് പ്രസിഡന്റ് റ്റാന് എസ്.എ. വിഘ്നേശ്വര മുഖ്യാതിഥിയാകും. രാത്രി 12ന് മഹാസമാധിയില് പുതുവത്സര പൂജ.
ജനുവരി ഒന്നിന് മഹാസമാധി മണ്ഡപത്തിലെ ഗുരുദേവ പ്രതിമാ പ്രതിഷ്ഠയുടെ 52-ാമത് വാര്ഷികവും വിശ്വശാന്തി യജ്ഞവും. വെളുപ്പിന് രണ്ട് മണിക്ക് കലശ പൂജയും ഹോമവും. കലശം മഹാസമാധിയിലേക്ക് എഴുന്നള്ളിച്ച് വിശേഷാല് പൂജ, മംഗളാരതി എന്നിവയും നടത്തും. ഉച്ചയ്ക്ക് 12ന് വനിതാ സമ്മേളനം മന്ത്രി ജെ. മെഴ്സിക്കുട്ടിയമ്മ ഉദ്ഘാടനം ചെയ്യും. ഹൈക്കോടതി ജഡ്ജി ജസ്റ്റിസ് അബ്ദുള് റഹീം അധ്യക്ഷനാകും. 2.30ന് സാഹിത്യസമ്മേളനം എം. മുകുന്ദന് ഉദ്ഘാടനം ചെയ്യും. കെ.പി. രാമനുണ്ണി അധ്യക്ഷനാകും. വൈകിട്ട് നാലിന് സമാപന സമ്മേളനം കേന്ദ്രമന്ത്രി ആര്.കെ. സിങ് ഉദ്ഘാടനം ചെയ്യും. മന്ത്രി കടകംപള്ളി സുരേന്ദ്രന് അധ്യക്ഷനാകും. മന്ത്രി എം.എം. മണി മുഖ്യാതിഥിയാകും.
തീര്ഥാടനം സുഗമമായി നടത്താനുള്ള എല്ലാ ഒരുക്കങ്ങളും പൂര്ത്തിയായതായി ശ്രീനാരായണ ധര്മസംഘം ട്രസ്റ്റ് ജനറല് സെക്രട്ടറി സ്വാമി സാന്ദ്രാനന്ദ അറിയിച്ചു. വാര്ത്താസമ്മേളനത്തില് തീര്ഥാടന സെക്രട്ടറി സ്വാമി വിശാലാനന്ദ, മീഡിയാ കമ്മിറ്റി ചീഫ് കോഓര്ഡിനേറ്റര് വണ്ടന്നൂര് സന്തോഷ് എന്നിവരും പങ്കെടുത്തു.
