കൊല്ലം: കോടതികള്‍ പുറപ്പെടുവിപ്പിക്കുന്ന സമന്‍സുകള്‍ ഇനി വാട്സാപ്പിലൂടെയും ലഭ്യമാകും. മേല്‍വിലാസങ്ങളിലെ പ്രശനങ്ങള്‍ ആളില്ലാതെ സമന്‍സ് മടങ്ങുന്നത്തും സമയ ലാഭവുമായി ബന്ധപ്പെട്ടാണ് ഈ പുതിയ തീരൂമാനം. കോടതി നടപടി അറിയിക്കാനും സമന്‍സ് കൈമാറാനും സാമൂഹിക മാധ്യമങ്ങള്‍ ഉള്‍പ്പെടെ ഉപയോഗിക്കാനാണ് സംസ്ഥാനകോര്‍ട്ട് മാനേജ്മെന്റ് സിസ്റ്റം കമ്മിറ്റിയുടെ തീരുമാനം.
വാട്സാപ്പിന് പുറമേ, എസ്.എം.എസ്, ഇമെയില്‍ എന്നിവ വഴിയും സമന്‍സ് അയക്കാം. എന്നാല്‍, ഇത് നടപ്പിലാക്കാന്‍ സിആര്‍പിസി ചട്ടം 62 ാം വകുപ്പ് ഭേദഗതി ചെയ്യേണ്ടിവരും. ഇതേ സംബന്ദിച്ച് ഹൈക്കോടതി സര്‍ക്കാരിനൊട് വ്യക്തമാക്കും. ഇതിന്റെ ഭാഗമായി വാദികളുടെയും പ്രതികളുടെയും മൊബൈല്‍ നമ്പറും ഇനി കേസിനൊപ്പം ഉണ്ടാവും.
ഇതിനുപുറമെ കോടതികളില്‍ കെട്ടികിടക്കുന്ന കേസുകള്‍ വേഗത്തില്‍ തീര്‍പ്പാക്കാനായി ജില്ലാകളക്ടര്‍മാരെ കൂടി പങ്കാളിയാക്കാനും തീരുമാനമായി. രണ്ടുവര്‍ഷത്തിനിടയില്‍ പലവട്ടം വാറന്റ് ഇറക്കിയിട്ടും കോടതിയില്‍ ഹാജരാകാത്തവരുടെ വിവരങ്ങള്‍ ജനുവരി 31നകം ജില്ലാ പോലീസ് മേധാവിമാര്‍ക്ക് കൈമാറാനും തീരുമാനമായി. ഇതിനായി എല്ലാമാസവും ജില്ലാ ജഡ്ജിയും കളക്ടറും ജില്ലാ പോലീസ് മേധാവിയും യോഗം ചേരും. 12,77,325 കേസുകളാണ് കേരളത്തില്‍ തീര്‍പ്പാകാതെ കിടക്കുന്നത്. ഇതില്‍ 3,96,889 എണ്ണം സിവില്‍ കേസും 8,80,436 ക്രിമിനല്‍ കേസുകളുമാണ്.
