ശബരിമല: ശബരിമല യുവതിപ്രവേശന വിഷയത്തില് പിണറായി സര്ക്കാരിന്റെയും ദേവസ്വം ബോര്ഡിന്റെയും മനംമാറ്റത്തിന് കാരണം ശബരിമലയിലെ പരമാധികാരികള് അയ്യപ്പവിശ്വാസികളെന്ന്് ബോധ്യമായതിനാലാണെന്ന് ഹിന്ദുഐക്യവേദി സംസ്ഥാന അധ്യക്ഷ കെ.പി. ശശികല ടീച്ചര്. ശബരിമല ദര്ശനത്തിന് ശേഷം മാധ്യമങ്ങളോട് സംസാരിക്കുകയായിരുന്നു ടീച്ചര്.
വിശ്വാസത്തെയും ആചാരത്തെയും തകര്ക്കാനുള്ള ബോധപൂര്വമായ ശ്രമങ്ങളാണ് ചിലരുടെ ഭാഗത്തുനിന്നും ഉണ്ടാകുന്നത്. അതിനെ ഒറ്റക്കെട്ടായി ചെറുത്തു തോല്പ്പിക്കാനുള്ള കരുത്ത് വിശ്വാസ സമൂഹത്തിനുണ്ട്. ദേവസ്വം ബോര്ഡിന് കൂടുതല് വരുമാനം ലഭിക്കുന്ന കൊപ്രാക്കളത്തിലെ തൊഴിലാളികളുടെ ജീവിതം നരകതുല്യമാണ്. അതികഠിനമായ ജോലിയിലേര്പ്പെടുന്ന ഇവര്ക്ക് സ്വസ്ഥമായി വിശ്രമിക്കാനുള്ള സംവിധാനം പോലും ഏര്പ്പാടാത്താത്ത ബോര്ഡിന്റെ നിലപാട് പ്രതിഷേധാര്ഹമാണ്.
