കണ്ണൂര്: കേരള എന്ജിഒ സംഘ് സംസ്ഥാന സമ്മേളനത്തിന് കണ്ണൂരില് തുടക്കം. മസ്ദൂര് ഭവനില് നടന്ന സംസ്ഥാന ഭാരവാഹി യോഗത്തോടെയാണ് സമ്മേളനം ആരംഭിച്ചത്. സംസ്ഥാന സംഘടനാ സെക്രട്ടറി സി.വി. രാജേഷ് യോഗം ഉദ്ഘാടനം ചെയ്തു. ദേശീയ പൗരത്വ ഭേദഗതി ബില് രാഷ്ട്ര സുരക്ഷയ്ക്ക് അനിവാര്യമാണെന്നും ബില്ലിനെ എതിര്ത്തവര് സ്വാതന്ത്ര്യാനന്തര കാലഘട്ടത്തില് രാജ്യത്തെ വെട്ടിമുറിക്കാന് കൂട്ടുനിന്നവരാണെന്നും യോഗം ഉദ്ഘാടനം ചെയ്ത് അദ്ദേഹം പറഞ്ഞു.
ബിഎംഎസ് സ്ഥാപകന് ദത്തോപാന്ത് ഠേംഗ്ഡിജിയുടെ ജന്മശതാബ്ദി ആഘോഷിക്കുന്ന വേളയില് എന്ജിഒ സംഘ് പ്രവര്ത്തകര് സംഘടനാ വികാസത്തിനായി അര്പ്പണബോധത്തോടെ പ്രവര്ത്തിക്കണമെന്നും അദ്ദേഹം ആഹ്വാനം ചെയ്തു. സംസ്ഥാന പ്രസിഡന്റ് സി. സുരേഷ് കുമാര് അധ്യക്ഷത വഹിച്ചു. മുന് സംസ്ഥാന പ്രസിഡന്റ് കെ.വി. അച്യുതന് മുഖ്യപ്രഭാഷണം നടത്തി. ജനറല് സെക്രട്ടറി എസ്.കെ. ജയകുമാര് വിഷയ നിര്ണയവും ട്രഷറര് ടി.എന്. രമേശ് സാമ്പത്തിക റിപ്പോര്ട്ടും അവതരിപ്പിച്ചു. സംസ്ഥാന ജോയിന്റ് സെക്രട്ടറിമാരായ ടി. ദേവാനന്ദന് സ്വാഗതവും കെ.എം. രാജീവ് നന്ദിയും പറഞ്ഞു.
ഇന്ന് രാവിലെ 10ന് കണ്ണൂര് ദത്തോപാന്ത് ഠേംഗ്ഡിജി നഗറില് (നവനീതം ഓഡിറ്റോറിയം) പ്രതിനിധി സമ്മേളനം ആരംഭിക്കും. രാഷ്ട്രീയ രാജ്യകര്മ്മചാരി മഹാസംഘ് അഖിലേന്ത്യാ ജനറല് സെക്രട്ടറി വിഷ്ണുപ്രസാദ് വര്മ്മ ഉദ്ഘാടനം ചെയ്യും. 12ന് യാത്രയയപ്പ് സമ്മേളനം ആര്എസ്എസ് പ്രാന്ത സഹസംഘചാലക് അഡ്വ.കെ.കെ. ബാലറാം ഉദ്ഘാടനം ചെയ്യും. രണ്ടിന് സാംസ്കാരിക സമ്മേളനം സാഹിത്യകാരന് പി.ആര്. നാഥന് ഉദ്ഘാടനം ചെയ്യും. ആര്എസ്എസ് പ്രാന്തീയ വിദ്യാര്ത്ഥി പ്രമുഖ് വത്സന് തില്ലങ്കേരി മുഖ്യപ്രഭാഷണം നടത്തും. 3.30ന് വനിതാസമ്മേളനം ഭാരതീയ വിദ്യാനികേതന് സംസ്ഥാന പ്രസിഡന്റ് പ്രൊഫ. സുമതി ഹരിദാസ് ഉദ്ഘാടനം ചെയ്യും. വൈകിട്ട് അഞ്ചിന് കണ്ണൂര് നഗരത്തില് റാലിയും തുടര്ന്ന് സ്റ്റേഡിയം കോര്ണ്ണറില് പൊതുസമ്മേളനവുമുണ്ടാകും. പൊതുസമ്മേളനം ബിഎംഎസ് സംസ്ഥാന ജനറല് സെക്രട്ടറി എം.പി. രാജീവന് ഉദ്ഘാടനം ചെയ്യും. എന്ജിഒ സംഘ് സംസ്ഥാന ജനറല് സെക്രട്ടറി എസ്.കെ. ജയകുമാര് മുഖ്യപ്രഭാഷണം നടത്തും. സമ്മേളനം നാളെ സമാപിക്കും.
