പൂനെ: പാക്കിസ്ഥാന് നടത്തുന്നത് ഭീകരപ്രവര്ത്തനങ്ങളുടെ മറവിലുള്ള നിഴല് യുദ്ധമെന്ന് കേന്ദ്ര പ്രതിരോധമന്ത്രി രാജ്നാഥ് സിങ്. പാക്കിസ്ഥാന് സ്വീകരിച്ചിട്ടുള്ള നിഴല് യുദ്ധം അവരുടെ പരാജയത്തിലേക്ക് തന്നെയാകും നയിക്കുകയെന്നും അദ്ദേഹം പറഞ്ഞു. പുനെ നാഷണല് ഡിഫെന്സ് അക്കാദമിയുടെ പാസിങ് ഔട്ട് പരേഡില് പങ്കെടുക്കവേയാണ് ഇക്കാര്യം വെളിപ്പെടുത്തിയത്.
1948 മുതല് 1965, 1971,1999 എന്നീ വര്ഷങ്ങളിലെ യുദ്ധങ്ങളിലൂടെ പാക്കിസ്ഥാന് അത് തിരിച്ചറിയേണ്ടതാണ്. ഭീകരവാദത്തിന്റെ മറവില് നിഴല് യുദ്ധം നടത്തിയാണ് പാക്കിസ്ഥാന് ശീലിച്ചിട്ടുള്ളത്. ഇതിലൂടെ പാക്കിസ്ഥാന് ഒന്നും നേടാനാവില്ല. മറിച്ച് പരാജയപ്പെടുകമാത്രമാണ് ഉണ്ടാവുകയെന്നും രാജ്നാഥ് സിങ് അറിയിച്ചു.
അതേസമയം രാജ്യാതിര്ത്തിക്ക് പുറത്തുള്ള പ്രദേശങ്ങള് സ്വന്തമാക്കാന് ഇന്ത്യ ആഗ്രഹിക്കുന്നില്ലെന്ന് പ്രതിരോധ മന്ത്രി പറഞ്ഞു. എന്നാല് അതിര്ത്തി കടന്ന് പ്രകോപിപ്പിക്കാന് ശ്രമിച്ചാല് വെറുതെ വിടില്ലെന്നും അദ്ദേഹം പറഞ്ഞു. എല്ലാ രാജ്യങ്ങളുമായി സൗഹൃദപരവും, സമാധാനപൂര്ണവുമായ ബന്ധം നിലനിര്ത്താനാണ് ഇന്ത്യ ആഗ്രഹിക്കുന്നത്. മറ്റു രാജ്യങ്ങളുടെ കാര്യങ്ങളില് കൈകടത്തുന്നുമില്ല. അതിക്രമിച്ച് ആരെങ്കിലും ഇന്ത്യയുടെ ആഭ്യന്തര കാര്യത്തില് ഇടപെട്ടാല് ശക്തമായി തന്നെ അതിനുള്ള മറുപടി നല്കുമെന്നും രാജ്നാഥ് സിങ് പറഞ്ഞു.
രാജ്യ സുരക്ഷ, സമഗ്രത, സമാധാനം, പരമാധികാരം എന്നിവ ഉറപ്പാക്കേണ്ടത് സര്ക്കാരിന്റെ പൂര്ണ ഉത്തരവാദിത്തമാണ്. ഭീകരവാദത്തോട് അനുഭാവം പുലര്ത്താന് സാധിക്കില്ലെന്നും രാജ്യത്തുനിന്നും ഭീകരവാദത്തെ തുടച്ചു മാറ്റുകയാണ് വേണ്ടത്. രാജ്യത്തിനുവേണ്ടി രാജ്യത്തിനുവേണ്ടി ജീവന് വരെ നല്കുന്ന സൈന്യത്തിന്റെ സേവനങ്ങള് വളരെ വലുതാണ്. സേനയെ കൂടുതല് ശക്തിപ്പെടുത്താന് സാധ്യമായതെല്ലാം കേന്ദ്രസര്ക്കാര് ചെയ്യുമെന്നും രാജ് നാഥ് സിങ് കൂട്ടിച്ചേര്ത്തു.
