പാലക്കാട്: മാവോയിസ്റ്റുകള്ക്കായുള്ള അന്വേഷണത്തിന് തണ്ടര്ബോള്ട്ട് പുറപ്പെടുമ്പോള് ബിനോയ് വിശ്വം, കാനം തുടങ്ങിയവരേയും കൊണ്ട് പോകണമെന്ന് മുന് ഡിജിപി ടി.പി. സെന്കുമാര്. മാവോയിസ്റ്റ് ഭീകരര് കൊല്ലപ്പെട്ടതില് വിമര്ശിച്ചതിനോട് പ്രതികരിക്കുകയായിരുന്നു അദ്ദേഹം.
അന്വേഷണ സംഘം മാവോയിസ്റ്റ് സംഘത്തിനായി തെരച്ചിലിന് ഇറങ്ങുമ്പോള് സച്ചിദാനന്ദന്, ബിനോയ് വിശ്വം എന്നിവരെ മുമ്പിലായി കൊണ്ടുപോകണം. വെടി വരുമ്പോള് അറസ്റ്റ് ചെയ്യാനായി ഒരു റിട്ടയേര്ഡ് ജഡ്ജ് നല്ലതാണ്. മാവോയിസ്റ്റുകള് അന്വേഷണ സംഘത്തിനു നേരെ വെടിയുതിര്ക്കുമ്പോള് അത് പരിചവെച്ച് തടഞ്ഞാല് പോരെ. കുറച്ചു പോലീസുകാര് മരിച്ചാല് ഇവര്ക്കെന്താ, ഇതുവരെ 13000 പേരെ മാത്രമല്ലേ മാവോയിസ്റ്റ് ഭീകരര് കൊന്നിട്ടൊള്ളൂ എന്നും സെന്കുമാര് വിമര്ശിച്ചു.
മുട്ട് നോക്കി വെടി വെക്കാമല്ലോ എന്ന ബിനോയ് വിശ്വത്തിന്റെ പ്രസ്താവനയേയും സെന്കുമാര് കുറ്റപ്പെടുത്തി. വെടി നേരിടേണ്ടവനേ അതിന്റെ വിഷമം മനസ്സിലാക്കാന് സാധിക്കൂ. സ്വന്തം ജീവന് വെടിയുണ്ടയ്ക്ക് മുന്നില് വെച്ച് ഇവര് മറുപടി നല്കട്ടേയെന്നും സെന്കുമാര് കൂട്ടിച്ചേര്ത്തു.
സെന്കുമാറിന്റെ ഫേസ്ബുക്ക് പോസ്റ്റിന്റെ പൂര്ണരൂപം-
വീണ്ടും മാവോയിസ്റ്റ്് പോലീസ് വെടി വെപ്പ്. ഇനി തണ്ടെര്ബോള്ട് വനത്തില് പോകുമ്പോള് സച്ചിദാനന്ദന്, ബിനോയ് വിശ്വം, കാനം, തുടങ്ങിയവരെ മുമ്പില് കൊണ്ടുപോകണം. വെടി വരുമ്പോള് അറസ്റ്റ് ചെയ്യാന് ഒരു റിട്ടയേര്ഡ് ജഡ്ജ് നല്ലതാണ്. മാവോയിസ്റ്റുകള് എകെ47നും എസ്പ്ലോസീവ്സുമായി കയറാന് പാടില്ലാത്ത ഫോറെസ്റ്റില് എന്തിനു കഴിയണം. അവര് വെടിവെച്ചാല്, അത് പരിച വെച്ചു തടഞ്ഞു കൂടെ. ഇല്ലെങ്കില് കുറച്ചു പോലീസുകാര് മരിച്ചാലെന്താ. ഇതുവരെ 13000 അല്ലെ ഇവര് കൊന്നിട്ടൊള്ളു എന്നൊക്കെ ചോദിക്കാം. നിലംബുര് അന്വേഷണം എന്തായി.
കാട് മാവോ വാദികള്ക്ക് പതിച്ചു നല്കിയാല് പ്രശനം തീരും. അല്ലെങ്കില് മേല്പ്പറഞ്ഞ മാന്യന് മാരെ വെടിക്കുള്ള പരിച ആക്കിയാലും പ്രശ്നം തീരും. മുട്ട് നോക്കി വെടിവെക്കാമല്ലോ. വെടി നേരിടേണ്ടവനെ അതിന്റെ വിഷമം അറിയൂ. സ്വന്തം ജീവന് വെടിയുണ്ടക്കു മുന്നില് വെച്ച് ഈ മാന്യന്മാര് പറയട്ടെ.
