തിരുവനന്തപുരം: വട്ടിയൂര്ക്കാവിലെ ഉപതെരഞ്ഞെടുപ്പ് തോല്വിയുടെ പശ്ചാത്തലത്തില് തിരുവനന്തപുരം ശാസ്തമംഗലത്തെ എന്എസ്എസ് ഓഫിസിനു നേരേ ചാണകം എറിഞ്ഞയാള് അറസ്റ്റില്. മദ്യപിച്ചെത്തിയ കോണ്ഗ്രസ് പ്രവര്ത്തകനാണ് ചാണകം എറിഞ്ഞത്. സംഭവം നടന്നയുടന് ശാസ്തമംഗലം സ്വദേശിയായ മധുസൂദനനെ പൊലീസ് പിടികൂടി. ഓഫീസിന് രാവിലെ മുതല് പൊലീസ് സംരക്ഷണമുണ്ടായിരുന്നു. എന്നാല്, കോണ്ഗ്രസ് സ്ഥാനാര്ഥി കെ. മോഹന്കുമാറിന്റെ തോല്വി അറിഞ്ഞയുടന് ഇയാള് എന്എസ്എസ് ഓഫിസിനു നേരേ ചാണകം എറിയുകയായിരുന്നു. പോലീസ് പിടിച്ച ഇയാളെ ഉടന് മ്യൂസിയം പോലീസ് സ്റ്റേഷനിലേക്ക് കൊണ്ടുപോയി. വട്ടിയൂര്ക്കാവില് യുഡിഎഫ് സ്ഥാനാര്ഥി മോഹന്കുമാറിന് പരസ്യമായി എന്എസ്എസ് പിന്തുണ പ്രഖ്യാപിച്ചിരുന്നു. ഇതില് മറ്റു പാര്ട്ടികളില് നിന്നു പ്രതിഷേധം ഉയരുകയും ചെയ്തു. വര്ഷങ്ങളായി കോണ്ഗ്രസ് വിജയിച്ചിരുന്ന മണ്ഡലത്തില് ഇത്തവണ എല്ഡിഎഫ് സ്ഥാനാര്ഥിയും തിരുവനന്തപുരം കോര്പ്പറേഷന് മേയറുമായ വി.കെ. പ്രശാന്ത് വിജയിച്ചു. പ്രശാന്തിനെ വിജയത്തിനു പിന്നാലെ എന്എസ്എസിനെതിരേ ഇടതുപക്ഷ നേതാക്കള് രംഗത്തെത്തിയിരുന്നു.
വട്ടിയൂര്ക്കാവ് തോല്വി: എന്എസ്എസ് ഓഫിസിനു നേരേ ആക്രമണം; കോണ്ഗ്രസ് പ്രവര്ത്തകന് അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.