മലപ്പുറം: ഫിറോസ് കുന്നുംപറമ്പിലിനെതിരേ എന്ഫോഴ്സ്മെന്റ് ഡയറക്ടര്ക്കു പരാതി നല്കി. സേവനപ്രവര്ത്തനങ്ങളുടെ മറവില് സാമൂഹിക മാധ്യമങ്ങള് ഉപയോഗിച്ചു സഹതാപ തരംഗം സൃഷ്ടിച്ചു വിദേശത്തുനിന്നു കോടിക്കണക്കിനു രൂപ സമാഹരിക്കുന്നതായി യുവമോര്ച്ച സംസ്ഥാന സ്രെകട്ടറി അജി തോമസാണ് പരാതി നല്കിയിരിക്കുന്നത്. നിരാലംബരായ രോഗികളെ മറയാക്കി സമാഹരിക്കുന്ന കോടിക്കണക്കിനു രൂപ ഹവാല ഇടപാടുകള്ക്ക് ഉപയോഗിക്കുന്നതായി സംശയിക്കുന്നുവെന്ന് അജി പറഞ്ഞു.
നേരത്തെ, കേന്ദ്ര സര്ക്കാരിന്റെ അനുമതിയില്ലാതെ 200 കോടിയോളം രൂപയുടെ വിദേശ ഫണ്ട് ഫിറോസ് കുന്നുംപറമ്പില് കൈകാര്യം ചെയ്തത് ദേശവിരുദ്ധമാണെന്നു സംസ്ഥാന സാമൂഹിക സുരക്ഷാമിഷന് ഡയറക്ടര് മുഹമ്മദ് അഷീല് പറഞ്ഞിരുന്നു. എഫ്സിആര്എ നിയമപ്രകാരമാണ് ഫണ്ട് സ്വീകരിക്കേണ്ടത്. ചാരിറ്റി പ്രവര്ത്തനങ്ങളുടെ മറവില് തട്ടിപ്പുനടത്തുന്നവര്ക്കെതിരെ നടപടിയെടുക്കുമെന്ന് മുഖ്യമന്ത്രി പിണറായി വിജയന് നിയമസഭയില് പറഞ്ഞതായും മുഹമ്മദ് അഷീല് പറഞ്ഞു.
200 കോടി രൂപ കേരളത്തിലേക്ക് ഇത്ര നിസ്സാരമായി വരികയും ഫോറിന് കോണ്ട്രിബ്യൂഷന് റെഗുലേഷന് ആക്ട് പ്രകാരമുള്ള സാക്ഷ്യപത്രമില്ലാതെ അത് കൈകാര്യം ചെയ്തതില് ദേശവിരുദ്ധത്തിന്റെ പേരില് ജയിലില് പോകാന് ഫിറോസ് അര്ഹനാണ്. സര്ക്കാരിന്റെ വീ കെയര് ഡൊണേഷന് ഡോട്ട് കോമിലേക്ക് സംഭാവന ചെയ്താല് ആരും പറ്റിക്കപ്പെടില്ലന്നും അദേഹം പറഞ്ഞിരുന്നു.
