മഞ്ചേശ്വരം: മണ്ഡലത്തില് നടന്ന കള്ളവോട്ട് വളരെ ഗൗരവത്തില് എടുക്കണമെന്ന് ബിജെപി ജില്ലാ പ്രസിഡന്റ് കെ. ശ്രീകാന്ത്. തെരഞ്ഞെടുപ്പില് വ്യാപകമായി കള്ളവോട്ട് നടത്താന് സിപിഎമ്മും കോണ്ഗ്രസും ശ്രമിക്കുന്നുണ്ട്. ഇതിന്റെ ഭാഗമായുള്ളതാണ് ബാക്രാവയല് എയുപിഎസ് സ്കൂളിലെ 42ം നമ്പര് ബൂത്തില് നടന്ന സംഭവം. പത്തുദിവസം മുമ്പ് തന്നെ ബിജെപി ഇക്കാര്യം വ്യക്തമാക്കി ടിക്കാറാം മീണയ്ക്ക് പരാതി നല്കിയിരുന്നു. എന്നാല്, ഒരു നടപടിയും ഉണ്ടായില്ല. നാട്ടിലില്ലാത്തവരുടെ വോട്ട് ചെയ്യാന് മുസ്ലീം ലീഗ് പ്രവര്ത്തകരെ തയാറാക്കി നിര്ത്തിയിരിക്കുകയാണ്. കള്ളവോട്ട് ചെയ്യാന് മുസ്ലീംലീഗ് ബുര്ഖയെ ഉപയോഗിക്കുന്നുണ്ട്. ആള്മാറാട്ട പരിശോധന ഒഴിവാക്കാനാണ് ബുര്ഖ ധരിക്കുന്നത്. ഇത് പരിശോധിക്കണമെന്നും ബിജെപി ആവശ്യപ്പെട്ടു.
നേരത്തെ കള്ളവോട്ട് ചെയ്യാന് ശ്രമിച്ച മുസ്ലീംലീഗ് പ്രവര്ത്തകയെ ന്യായീകരിച്ച് കാസര്ഗോഡ് എംപി രാജ്മോഹന് ഉണ്ണിത്താന് രംഗത്തെത്തിയിരുന്നു. മുസ്ലീം ലീഗിനെ അപമാനിക്കാനാണ് ബിജെപി ശ്രമിക്കുന്നത്. അല്ലാതെ കള്ളവോട്ട് നടന്നിട്ടില്ലെന്നും രാജ്മോഹന് ഉണ്ണിത്താന് പറഞ്ഞു. എതോ ഒരു മഹാകാര്യമെന്ന രീതിയിലാണ് ഈ സംഭവം മാധ്യമങ്ങള് പ്രചരിപ്പിക്കുന്നതെന്നും അദേഹം മാതൃഭൂമിന്യൂസിനോട് പറഞ്ഞു.
നേരത്തെ, കള്ളവോട്ട് ചെയ്യാന് ശ്രമിച്ച അബൂബക്കറിന്റെ ഭാര്യാ നബീസ എന്ന സ്ത്രീയാണ് പിടിയിലായത്. വോട്ടര് പട്ടികയില് പേരില്ലാത്ത ഇവര് കോണ്ഗ്രസ് പാര്ട്ടിക്കാര് നല്കിയ സ്ലിപ്പ് ഉപയോഗിച്ച് കള്ളവോട്ട് ചെയ്യാന് ശ്രമിക്കുകയായിരുന്നു. ഇത് ബൂത്തിലുണ്ടായിരുന്ന ബിജെപി പ്രവര്ത്തകര് എതിര്ത്തതോടെയാസ് സംഭവം പുറത്തായത്. തുടര്ന്ന് പ്രിസൈഡിങ് ഓഫീസര് മഞ്ചേശ്വരം പോലീസില് വിവരം അറിയിച്ചു. തുടര്ന്ന് പ്രിസൈഡിങ് ഓഫീസറുടെ പരാതിയില് ഇവരെ കസ്റ്റഡിയില് എടുക്കുകയായിരുന്നു. നബീസ കള്ളവോട്ട് ചെയ്യാന് തന്നെയാണ് വന്നതെന്നും അറസ്റ്റ് രേഖപ്പെടുത്തിയെന്നും പോലീസ് പറഞ്ഞു.
ഇതേ ബൂത്തില് തന്നെ വോട്ടുണ്ടായിരുന്ന നബീസ എന്ന സ്ത്രീയുടെ പേരിലാണ് ഇവര് കള്ളവോട്ടിന് ശ്രമിച്ചത്. പണ്ട് ഇവിടെ വോട്ട് ഉണ്ടായിരുന്ന നബീസ വിവാഹ ശേഷം മറ്റൊരു സ്ഥലത്തെ വോട്ടര്പട്ടികയിലാണുള്ളതെന്ന് ഏജന്റുമാര് അറിയിച്ചു. നബീസയുടെ ഭര്ത്താവ് എല്ഡിഎഫ് പ്രവര്ത്തകനാണ്. മുസ്ലീം ലീഗിന്റെ സജീവ പ്രവര്ത്തകയാണ് നബീസ
