കോന്നി: ഒത്തു തീര്പ്പ് രാഷ്ട്രീയത്തിലൂടെ കേരളത്തിന്റെവികസനസാധ്യതകള്ക്ക് ഇരുമുന്നണികളും തടയിടുകയാണെന്ന് കേന്ദ്രമന്ത്രി വി മുരളീധരന് പറഞ്ഞു. എന് ഡി എ സ്ഥാനാര്ഥി കെ. സുരേന്ദ്രന്റെ പ്രചരണാര്ത്ഥം മലയാലപ്പുഴയില് സംഘടിപ്പിച്ച തെരെഞ്ഞെടുപ്പ് യോഗത്തില് സംസാരിക്കുകയായിരുന്നു അദ്ദേഹം.
കേരളത്തിലെ ഓരോമേഖലയെടുത്ത് പരിശോധിച്ചാലും രണ്ടുമുന്നണികളുടേയും നിലപാടില് വ്യത്യാസമില്ലെന്ന് കാണാം. അഴിമതിയാണിവരുടെ മുഖമുദ്ര. പാലാ ഉപതെരെഞ്ഞെടുപ്പ് കാലത്ത് പാലാരിവട്ടം പാലം അഴിമതിയില് പലരും സര്ക്കാരിന്റെ ചോറുണ്ണുമെന്നു പറഞ്ഞു നടക്കുകയായിരുന്നു മുഖ്യമന്ത്രി പിണറായി വിജയന്. സുമിത് ഗോയലിനു എട്ടേകാല് കോടി രൂപ മന്ത്രി ഇടപെട്ടു കൊടുത്ത് എന്ന് ടി.ഓ സൂരജ് മൊഴിയിലും, സത്യവാങ്മൂലത്തിലും പറഞ്ഞു. ഉടനെ അറസ്റ്റു നടക്കും എന്ന് പറഞ്ഞു പറഞ്ഞു പാലാ തെരെഞ്ഞെടുപ്പ് കഴിഞ്ഞു. ഇതുവരെ ഒരു നടപടിയും എടുത്തിട്ടില്ല. ഇനിയും അന്വേഷണം നടക്കില്ല. കാരണം ഐസ്ക്രീം കേസ് മുതല് പിണറായി വിജയനും യുഡിഎഫ് നേതാക്കളും തമ്മില് രഹസ്യ ധാരണയുണ്ട്. ഈ ധാരണയാണ് കേരളത്തിലെ ജനങ്ങള് അനുഭവിക്കുന്ന വികസനമുരടിപ്പിന് പ്രധാനകാരണം. ഇതിനു മാറ്റം കുറിക്കുന്നതിനുള്ള തുടക്കമാണ് ഈ ഉപതെരഞ്ഞെടുപ്പ്.
ജാതിയും മതവും പറഞ്ഞു ഭിന്നിപ്പിക്കുക എന്നതാണ് സിപിഎമ്മിന്റ പുതിയ തന്ത്രം. മഞ്ചേശ്വരത്ത് അരിവാള് ചുറ്റിക നക്ഷത്രം ആലേഖനം ചെയ്തിരിക്കുന്നത് പച്ചനിറമുള്ള കൊടിയിലാണ്. അരൂരില് മഞ്ഞക്കൊടിയിലാണ് അരിവാളും ചുറ്റികയും ഉള്ളത്. കോടിയേരിക്ക് സാമുദായികസംഘടനകളെ അധിക്ഷേപിക്കാനുള്ളഎന്ത് ധാര്മ്മികതയാണ് ഉള്ളത്.
സര്ക്കാര് ഖജനാവില് നിന്ന് വരുമാന നഷ്ടം നികത്താന് ദേവസ്വം ബോര്ഡിന് നൂറു കോടി കൊടുത്തെന്നു പറയുന്നതു തന്നെ പിണറായി വിജയന്റെ പിടിപ്പു കേടിന് ഉദാഹരണമാണ്. ദേവസ്വം ബോര്ഡിന് വരുമാന നഷ്ടം വന്നത് എന്തുകൊണ്ടാണെന്ന് ജനങ്ങള്ക്കറിയാം.ശബരിമലയില് യുദ്ധ സമാനമായ സാഹചര്യം സൃഷ്ടിക്കുകയും ഭക്തരില് ഭീതി പരത്തുകയും ചെയ്ത് സ്വസ്ഥമായ ദര്ശന സൗകര്യം നിഷേധിച്ചത് കൊണ്ടാണ് ദേവസ്വം ബോര്ഡിന് വരുമാന നഷ്ടമുണ്ടായത്.ഈ നഷ്ടം പൊതു ജനങ്ങള് എന്തിനു സഹിക്കണം.
ശബരിമലക്കായി 1276 കോടി കൊടുത്തെന്നാണ് മുഖ്യമന്ത്രി പറയുന്നത്. തങ്ങളാണ് കൂടുതല് കൊടുത്തതെന്ന് കോണ്ഗ്രസ്സുകാര് പറയുന്നു. ശബരിമലയില് എന്തെങ്കിലും തരത്തിലുള്ള അടിസ്ഥാനസൗകര്യ വികസനം നടന്നതായി അവിടെ പോകുന്ന ഭക്തര്ക്ക് അനുഭവമില്ല.
വെറുതെ ചില കണക്കുകള് പറഞ്ഞു രണ്ടു കൂട്ടരും ജനങ്ങളെ കബളിപ്പിക്കുകയാണ്. ശബരിമലയുടെ കാര്യത്തില് അന്നും ഇന്നും ബിജെപിക്ക് ഒരേ നിലപാടാണ്. ആചാര സംരക്ഷണത്തിനായി കെ സുരേന്ദ്രനോളം പോരാടിയ മറ്റൊരാളില്ലെന്ന് കോന്നിയിലെ ജനങ്ങള്ക്കറിയാമെന്നും വി മുരളീധരന് പറഞ്ഞു. യോഗത്തില് ബി ജെപി പഞ്ചായത്തു കമ്മിറ്റി പ്രസിഡണ്ട് കെ മുരളീധരകുറുപ്പ് അധ്യക്ഷത വഹിച്ചു. എന്ഡിഎ സംസ്ഥാന കണ്വീനര് തുഷാര് വെള്ളാപ്പള്ളി, ബിജെ പി സംസ്ഥാന വൈസ് പ്രസിഡന്റ് ജി രാമന് നായര് ബി ഡി ജെ എസ് സംസ്ഥാന വൈസ് പ്രസിഡന്റ് കെ പദ്മകുമാര്, ബി ജെ പി ജില്ലാ പ്രസിഡണ്ട് അശോകന് കുളനട, മധ്യ മേഖല ജനറല് സെക്രട്ടറി പി. വേണുഗോപാല്, വിജയ കുമാര് മണിപ്പുഴ, ഷാജി ആര് നായര്, എസ് ഹരികൃഷ്ണന്, മനോജ് ജി പിള്ള, പി ആര് ഷാജി, വി എസ് ഹരീഷ് ചന്ദ്രന്, ഓമനക്കുട്ടന്, ബിന്ദു ഹരികുമാര്, എസ് സേതുനാഥ്, വി അനില്, സുരേഷ്, കെ പി ഹരിദാസ്, വെട്ടൂര് സന്തോഷ്, ശ്രീകല പി എന് തുടങ്ങിയവര് സംസാരിച്ചു.
