ജക്കാര്ത്ത: ലോകത്തെ ഇസ്ലാമിക രാജ്യങ്ങളിലൊന്നായ ഇന്തോനേഷ്യയില് മുഖ്യ സുരക്ഷാമന്ത്രിക്ക് നേരേ ഐഎസ് ഭീകരരുടെ ആക്രമണം. വാഹനത്തില് നിന്നിറങ്ങുന്നതിനിടെ മന്ത്രി ജനറല് വിരാന്റോയെ ഐഎസ് ഭീകരര് കുത്തിക്കൊല്ലാന് ശ്രമിക്കുകയായിരുന്നു. വയറിനു ഗുരുതരമായി കുത്തേറ്റ മന്ത്രിയെ ഉടന് സുരക്ഷാഉദ്യോഗസ്ഥര് ഹെലികോപ്റ്ററില് ജക്കാര്ത്തിയിലെ ആശുപത്രിയിലേക്ക് മാറ്റി. മന്ത്രി ഇപ്പോള് തീവ്രപരിചരണ വിഭാഗത്തിലാണ്. രണ്ടു അടിയന്തര ശസ്ത്രക്രിയകളും നടത്തി. അക്രമി സംഘത്തില് പുരുഷനും സ്ത്രീയുമായിരുന്നു ഉണ്ടായിരുന്നത്. ഇവരെ അറസ്റ്റു ചെയ്തു. ആക്രമണത്തില് മറ്റു രണ്ടു പേര്ക്കു കൂടി പരുക്കേറ്റിട്ടുണ്ട്. ഇന്തോനേഷ്യയില് ഐഎസ് ഭീകരര് ലക്ഷ്യമിടുന്ന ആദ്യ മന്ത്രിയാണ് വിരാന്റോ. മുന് പ്രസിഡന്റ് സ്ഥാനാര്ഥി കൂടിയാണ് വിരാന്റോ. വിരാന്റോയ്ക്കെതിരേ ആക്രമണത്തിന് സാധ്യതയുണ്ടെന്ന വിവരം ലഭിച്ചിരുന്നെന്ന് പിന്നീട് പോലീസ് വ്യക്തമാക്കി.
ഇന്തോനേഷ്യന് സുരക്ഷാമന്ത്രിയെ ഐഎസ് ഭീകരര് കുത്തി; ഗുരുതര പരുക്കേറ്റ് മന്ത്രി തീവ്രപരിചരണ വിഭാഗത്തില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.