ന്യൂദല്ഹി : പാക് ഹൈക്കമ്മീഷന്റെ പിന്തുണയോടെയാണ് കശ്മീര് താഴ്വരയില് വിഘടന വാദികള് ഭീകര പ്രവര്ത്തനങ്ങള് നടത്തിയിരുന്നതെന്ന് േേദശീയ അന്വേഷണ ഏജന്സി. ഇതുമായി ബന്ധപ്പെട്ട് ദല്ഹി കോടതിയില് എന്ഐഎ നല്കിയ 300 പേജുള്ള കുറ്റപത്രത്തിലാണ് ഇതുസംബന്ധിച്ച് പ്രതിപാദിക്കുന്നത്.
കശ്മീരിലെ സമാധാനം തകര്ക്കാനായി വിഘടനവാദികള്ക്ക് പാക് ഹൈക്കമ്മീഷന് പിന്തുണ നല്കിയിട്ടുണ്ട്. പാക്കിസ്ഥാന് ഉള്പ്പടെയുള്ള വിദേശ രാജ്യങ്ങളില് നിന്നും വിഘടനവാദി നേതാക്കളായ യാസിന് മാലിക്, ഷബീര് ഷാ എന്നിവര് പാക്കിസ്ഥാന് ഉള്പ്പടെയുള്ള വിദേശ രാജ്യങ്ങളില് നിന്നും പണവും കൈപ്പറ്റിയിട്ടുണ്ട്. ദേശീയ മാധ്യമമാണ് ഇതുസംബന്ധിച്ചിട്ടുള്ള വാര്ത്തകള് പുറത്തുവിട്ടത്.
ഇതുമായി ബന്ധപ്പെട്ട് മാലിക്കിന്റേയും, ഷബീര് ഷായുടേയും ഇമെയില് സന്ദേശങ്ങളും പാക്കിസ്ഥാന് ഉള്പ്പടെയുള്ള വിദേശ രാജ്യങ്ങളില് നിന്നും ഫണ്ട് സ്വീകരിച്ചതിന്റെ രസീതുകള് എന്ഐഎയ്ക്ക് ലഭിച്ചതായും റിപ്പോര്ട്ടില് പറയുന്നുണ്ട്. ഹാവാല ഇടപാടുകള് വഴിയാണ് ഇവര് വിദേശ രാജ്യങ്ങളില് നിന്നും പണം സ്വീകരിച്ചിട്ടുള്ളത്.
അതിനിടെ കശ്മീര് താഴ്വരയില് ഭീകര പ്രവര്ത്തനങ്ങള് നടത്തിയതിന് വിഘടനവാദി നേതാക്കളായ യാസിന് മാലിക്, അസിയ അന്ദ്രാബി, മസ്രത്ത് ആലം, ഷബീര് അഹമ്മദ് ഷാ, അവാമി ഇത്തെഹാദ് പാര്ട്ടി മുന് ചെയര്മാന് അബ്ദുള് റഷീദ് ഷെയ്ഖ്, എന്നിവര്ക്കെതിരെ ദല്ഹി കോടതിയാണ് കേസ് രജിസ്റ്റര് ചെയ്തു.
അഞ്ച് പ്രതികളും ഭീകരവാദ, വിഘടന വാദ പ്രവര്ത്തനങ്ങള്ക്കായി ക്രിമിനല് ഗൂഢാലോചന നടത്തിയതായി കോടതി കണ്ടെത്തിയിട്ടുണ്ട്. ജമ്മു കശ്മീരിനെ ഇന്ത്യയില് നിന്ന് വേര്പെടുത്താന് പാക്കിസ്ഥാന് ഏജന്സികളുടെയും, ഭീകരവാദ സംഘടനകളുടെയും സജീവ പിന്തുണയോടെ ഇവര് പ്രവര്ത്തിച്ചെന്ന കുറ്റമാണ് ഇവര്ക്കു നേരെ ചുമത്തിയിരിക്കുന്നത്.
