നെല്ലൂര്: ശ്രീഹരിക്കോട്ടയിലെ സതീഷ് ധവാന് ബഹിരാകാശ നിലയത്തിന് നേരെ ഭീകരാക്രമണ ഭീഷണി. ഇതിനെതുടര്ന്ന്, പ്രദേശത്ത് അതീവ ജാഗ്രതാ നിര്ദേശം നല്കി. രഹസ്യാന്വേഷണ ഏജന്സികള് നല്കിയ വിവരത്തിന്റെ അടിസ്ഥാനത്തിലാണിത്. ശ്രീഹരിക്കോട്ടയ്ക്ക് സമീപമുള്ള വനപ്രദേശത്ത് നിന്ന് സംശയാസ്പദകരമായ സാഹചര്യത്തില് കണ്ട രണ്ടു പേരെ പൊലീസ് കസ്റ്റഡിയിലെടുത്തിട്ടുണ്ട്. ഇവരെ കുറിച്ച് കൂടുതല് വിവരങ്ങള് ലഭ്യമായിട്ടില്ല. ചോദ്യം ചെയ്യല് തുടരുകയാണ്. തിരുപ്പതി ക്ഷേത്രത്തിനും തീവ്രവാദ ആക്രമണ മുന്നറിയിപ്പ് നല്കിയിട്ടു്ട്. തീരദേശ സേന, മറൈന് പൊലീസ്, സിഐഎസ്എഫ് എന്നിവരുടെ നേതൃത്വത്തില് കടലില് 50 നോട്ടിക്കല് മൈല് ദൂരത്തില് പരിശോധന നടത്തി. സ്ഥലത്ത് കര്ശന നിരീക്ഷണമേര്പ്പെടുത്തുകയും ചെയ്തു. മത്സ്യബന്ധന ബോട്ടുകളടക്കം നിരീക്ഷണത്തിലാണ്. വനപ്രദേശങ്ങളിലും പൊലീസ് പരിശോധന കര്ശനമാക്കിയിട്ടുണ്ട്.
ഓഗസ്റ്റ് 28 മുതല് സെപ്തംബര് എട്ട് വരെ ദക്ഷിണേന്ത്യയില് ഭീകരാക്രമണത്തിന് സാധ്യതയുണ്ടെന്നാണ് ഇന്റലിജന്സ് ഏജന്സി മുന്നറിയിപ്പ് നല്കിയിരുന്നു. വേളാങ്കണി പള്ളിയില് ഉള്പ്പടെ ആക്രമണത്തിന് പദ്ധതിയുണ്ടായിരുന്നതായാണ് അന്വേഷണ ഉദ്യോഗസ്ഥര് സംശയിക്കുന്നത്.
ഇതോടെ ദക്ഷിണേന്ത്യന് സംസ്ഥാനങ്ങളിലെ ആരാധനാലയങ്ങള് ഉള്പ്പടെയുള്ള പ്രധാനപ്പെട്ട സ്ഥലങ്ങളിലെ സുരക്ഷാ സംവിധാനങ്ങള് ശക്തമാക്കുകയും കര്ശന നിയന്ത്രണം ഏര്പ്പെടുത്തിയിരുന്നു. അര്ധസൈനിക വിഭാഗത്തെയടക്കം ഏഴായിരം പോലീസുകാരെയാണ് തമിഴ്നാടിന്റെ പടിഞ്ഞാറന് മേഖലയില് വിന്യസിച്ചിരിക്കുന്നത്. തമിഴ്നാടിന് പുറമേ കര്ണ്ണാടക, ആന്ധ്ര, പുതുച്ചേരി, ദല്ഹി ഉള്പ്പടെയുള്ള സംസ്ഥാനങ്ങളിലും ജാഗ്രത നിര്ദ്ദേശം നല്കിയിരുന്നു. കേരളത്തിലും ജാഗ്രതാ നിര്ദ്ദേശമുണ്ടായിരുന്നു.
കശ്മീരിന്റെ പ്രത്യേക പദവി റദ്ദാക്കിയതില് പ്രതിഷേധിച്ച് രാജ്യത്ത് ഭീകര സ്ഫോടന പരമ്പരകള്ക്ക് പാക്കിസ്ഥാന് ആസൂത്രണം ചെയ്യുന്നതായാണു ഇന്റലിജന്സ് കണ്ടെത്തിയത്. പാക് ചാര സംഘടനായ ഐഎസ്ഐയുടെ നേതൃത്വത്തിലാണ് സ്ഫോടനങ്ങള് ആസൂത്രണം ചെയ്യുന്നത്. ഭീകരപ്രവര്ത്തനം പുനരാരംഭിക്കാനും സ്ഫോടന പരമ്പരകള് ആസൂത്രണം ചെയ്യാനും ഇന്ത്യയിലെ സ്ലീപ്പര് സെല്ലുകള്ക്ക് പാക്കിസ്ഥാന് നിര്ദ്ദേശം നല്കി കഴിഞ്ഞതായി വാര്ത്താ ഏജന്സി റിപ്പോര്ട്ട് പുറത്തുവിട്ടിട്ടുണ്ട്. ഇതുസംബന്ധിച്ച് എല്ലാ സൈനിക വിഭാഗങ്ങള്ക്കും പോലീസിനും റിപ്പോര്ട്ട് കൈമാറിക്കഴിഞ്ഞു. അതേസമയം ഇന്ത്യയില് ഭീകരാക്രമണം നടത്താന് ജെയ്ഷെ മുഹമ്മദും റോഹിങ്ക്യന് മുസ്ലിങ്ങളിലെ ഒരു വിഭാഗവും ചേര്ന്ന് പദ്ധതിയിടുന്നുണ്ടെന്ന് ബിഎസ്എഫും മുന്നറിയിപ്പ് നല്കിയിട്ടുണ്ട്. പാക്കിസ്ഥാനിലെ ജെയ്ഷെ നേതാക്കള് റോഹിങ്ക്യന് യുവാക്കളെ പരിശീലിപ്പിക്കുന്നതായും വിവരമുണ്ട്. പുതിയ പദ്ധതിയായി കടല് വഴി ഭീകരാക്രമണത്തിന് പരീശീലനം നല്കുന്നതായും സൂചനയുണ്ട്.എന്നാല് ഏത് സാഹചര്യവും നേരിടാന് സന്നദ്ധരായി സദാ ജാഗ്രത പുലര്ത്തി നിരീക്ഷണം ശക്തമാക്കിയിരിക്കുകയാണ് ഇന്ത്യന് സൈന്യം. കടല് വഴിയുള്ള ആക്രമണത്തിന് സൈന്യം സജ്ജമാണെന്ന് നാവിക സേന മേധാവി കഴിഞ്ഞ ദിവസം അറിയിച്ചിരുന്നു.
