ജയ്പൂര്: രാഷ്ട്രീയ സ്വയംസേവക സംഘത്തിന്റെ പരിവാര് സംഘടനകളുടെ അഖിലഭാരതീയ സംയുക്തയോഗം രാജസ്ഥാനിലെ പുഷ്ക്കറില് തുടങ്ങി. ആര്എസ്എസ് സര്സംഘചാലക് മോഹന് ഭാഗവതിന്റെ നേതൃത്ത്വതിലാണ് ത്രിദിന യോഗം നടക്കുന്നത്. കേന്ദ്ര സാമ്പത്തിക നയങ്ങളടക്കമുള്ള നിരവധി ദേശീയ വിഷയങ്ങളില് വിശദമായ ചര്ച്ചകളും നയപരിപാടികളും തീരുമാനിക്കപ്പെടുമെന്നാണ് റിപ്പോര്ട്ട്.
ബിജെപി, വിശ്വഹിന്ദുപരിഷത്ത്, സീമാജാഗരണ് മഞ്ച്, സ്വദേശീ ജാഗരണ് മഞ്ച്, ബിഎംഎസ് എന്നീ സംഘടനകളടങ്ങുന്ന യോഗമാണ് രാജസ്ഥാനില് നടക്കുന്നത്. തൊഴിലാളികളുടെ ക്ഷേമത്തിനായി ദേശീയ തലത്തില് പ്രവര്ത്തിക്കുന്ന ഭാരതീയ മസ്ദൂര് സംഘ് (ബിഎംഎസ്) രാജ്യത്തെ പൊതുവികസനത്തെ സംബന്ധിച്ചും തൊഴില്പരമായ വിഷയങ്ങളെ സംബന്ധിച്ചും പ്രത്യേക റിപ്പോര്ട്ട് അവതരിപ്പിക്കും. സാമ്പത്തിക മേഖലയിലെ വിഷയങ്ങളെപ്പറ്റി സ്വദേശീ ജാഗരണ് മഞ്ചും വിശദമായ അവലോഹനങ്ങള് യോഗത്തില് വയ്ക്കുമെന്നുമാണ് സൂചന.
കശ്മീര് വിഷയമടക്കമുള്ള അതിര്ത്തി സംബന്ധമായ വിഷയത്തിലെ പൊതുവിവരങ്ങള് സീമാ ജാഗരണ് മഞ്ചിന്റെ അദ്ധ്യക്ഷതയില് ചര്ച്ചചെയ്യും. അയോധ്യാവിഷയത്തില് വിശ്വഹിന്ദുപരിഷത്തും അവലോകന റിപ്പോര്ട്ടുകളുടെ അവതരിപ്പിക്കും. ബിജെപി വര്ക്കിംഗ് പ്രസിഡന്റ് ജെ.പി നദ്ദയടക്കമുള്ള വിവിധ അഖിലേന്ത്യാ നേതാക്കളും യോഗത്തില് പങ്കെടുക്കും.
