ന്യൂദല്ഹി: ജമ്മു കശ്മീരിന്റെ പ്രത്യേക പദവി കേന്ദ്ര സര്ക്കാര് എടുത്തുകളഞ്ഞത് നല്ലതിനാണെന്ന് കോണ്ഗ്രസ് നേതാവും എംപിയുമായ ശശി തരൂര്. മറ്റു മതസ്ഥരുടെ ആരാധനയ്ക്ക് മുടക്കം വരാത്ത വിധത്തില് അയോധ്യയില് രാമക്ഷേത്രം ആവശ്യമാണെന്നും അദേഹം പറഞ്ഞു. 370-ാം അനുച്ഛേദം എല്ലാ കാലത്തും അതേപടി നിലനിര്ത്തുന്നതിനായി വാദിക്കേണ്ടതുണ്ടോ എന്ന കാര്യത്തില് സംശയമുണ്ട്. എല്ലാ കാലത്തും നിലനിര്ത്താന് ഉദ്ദേശിച്ചു കൊണ്ടുള്ളതായിരുന്നില്ല കശ്മീരിന്റെ പ്രത്യേക പദവി എന്നാണ് തന്റെ നിലപാട്. 370ാം അനുച്ഛേദം എത്ര കാലം നിലനിര്ത്തേണ്ടത് ആവശ്യമാണോ അത്രയും കാലം അത് നിലനിന്നാല് മതി എന്നായിരുന്നു നെഹ്റുവിന്റെയും കാഴ്ചപ്പാടെന്നും തരൂര് ഒരു ദേശിയ മാധ്യമത്തിന് നല്കിയിയ അഭിമുഖത്തില് പറഞ്ഞു.
ലക്ഷണക്കണക്കിന് മനുഷ്യരുടെ വിശ്വാസങ്ങള് മാനിക്കപ്പെടേണ്ടതാണ് എന്നാണ് തന്റെ നിലപാടെന്ന് ശശി തരൂര് പറഞ്ഞു. അയോധ്യയുമായി ബന്ധപ്പെട്ട ചരിത്രം ആഴത്തില് പരിശോധിച്ചാല് അവിടെയൊരു രാമക്ഷേത്രം ഉണ്ടായിരുന്നു എന്നാണ് വ്യക്തമാകുന്നത്. അവിടുത്തെ ജനങ്ങളുടെ വിശ്വാസം അതൊരു രാമക്ഷേത്രം ആയിരുന്നു എന്നാണ്. ഇതുമായി ബന്ധപ്പെട്ട് ആഴമേറിയ വിശ്വാസമാണ് ജനങ്ങള്ക്കിടയിലുള്ളത്. അയോധ്യയില് രാമക്ഷേത്രം ആവശ്യമാണെന്നും തരൂര് പറഞ്ഞു.
