ഹൈദരാബാദ് : തിരുപ്പതി ക്ഷേത്രത്തിലെ ജീവനക്കാരായി അഹിന്ദുക്കളെ നിയമിക്കില്ല. വൈഎസ്ആര് സര്ക്കാരിന്റെ അഹിന്ദുക്കളെ നിയമിക്കാനുള്ള വൈഎസ്ആര് സര്ക്കാരിന്റെ നീക്കത്തിനെതിരെ പ്രതിഷേധം ശക്തമായിരുന്നു. ഈ സാഹചര്യത്തില് ഉത്തരവ് പിന്വലിക്കുകയാണെന്ന് ചീഫ് സെക്രട്ടറി എല്.വി. സുബ്രഹ്മണ്യനാണ് അറിയിച്ചത്.
തിരുമല തിരുപ്പതി ദേവസ്ഥാനത്തിന്(ടിടിഡി) കീഴിലാണ് അഹിന്ദുക്കളേയും നിയമിച്ചത്. ഇതിനെതിരെ സംസ്ഥാനത്ത് പ്രതിഷേധം ഉയരുകയും ജനങ്ങളില് സര്ക്കാര് വിരുദ്ധ മനോഭാവം ഉടലെടുക്കുകയും ചെയ്തതോടെയാണ് ഹിന്ദുക്കളല്ലാത്തവരെ പിരിച്ചുവിടാന് തീരുമാനിച്ചത്. തിരുപ്പതിയില് നിന്നുള്ള ആന്ധ്രാ സര്ക്കാര് ബസ് സര്വ്വീസിന്റെ ടിക്കറ്റുകളില് ജറുസലേം ഹജ്ജ് തീര്ത്ഥാടനത്തിന്റ പരസ്യം നല്കിയതും ഏറെ വിവാദമായിരുന്നു. ഹിന്ദു വിശ്വാസങ്ങളെ വ്രണപ്പെടുത്തുന്ന നടപടിയാണ് വൈഎസ്ആര് സര്ക്കാര് സ്വീകരിക്കുന്നതെന്ന ആരോപണം ഉയര്ന്നതിനു പിന്നാലെയാണ് അഹിന്ദു നിയമന വിവാദവും ഉയര്ന്നിരിക്കുന്നത്
ലോകത്തില് ഏറ്റവും കൂടുതല് ആസ്തിയുള്ള ക്ഷേത്രങ്ങളില് ഒന്നാണ് തിരുപ്പതി ക്ഷേത്രം. 2018ലെ റിപ്പോര്ട്ടുകള് പ്രകാരം ഇവിടെ 44 അഹിന്ദുക്കളാണ് ക്ഷേത്രത്തിലും മറ്റുമായി തിരുമല തിരുപ്പതി ദേവസ്ഥാനത്തിനു കീഴില് ജോലി ചെയ്യുന്നത്. എന്നാല് പുതിയ ഉത്തരവ് പുറത്തിറക്കിയതോടെ ഇതില് ഹിന്ദുവിലേക്ക് നേരത്തെ മതം മാറിയ ജീവനക്കാര്ക്ക് ജോലിയില് തുടരാം അല്ലാത്തവരെ പിരിച്ചുവിടുമെന്നാണ് അറിയിച്ചിരിക്കുന്നത്. അതേസമയം ജീവനക്കാര് ഹിന്ദുവോ അഹിന്ദുവോ എന്ന് പരിശോധിക്കുന്നതിനായി വീടുകളില് മിന്നല് പരിശോധനയും നടത്തുമെന്നും അധികൃതര് അറിയിച്ചിട്ടുണ്ട്.
