ന്യൂദല്ഹി : കശ്മീരിന്റെ പ്രത്യേക പദവി റദ്ദാക്കിയതില് പ്രതിഷേധിച്ച് രാജ്യത്ത് ഭീകര സ്ഫോടന പരമ്പരകള്ക്ക് പാക്കിസ്ഥാന് ആസൂത്രണം ചെയ്യുന്നതായി ഇന്റലിജന്സ് റിപ്പോര്ട്ട്. പാക് ചാര സംഘടനായ ഐഎസ്ഐയുടെ നേതൃത്വത്തിലാണ് സ്ഫോടനങ്ങള് ആസൂത്രണം ചെയ്യുന്നത്.
ഭീകരപ്രവര്ത്തനം പുനരാരംഭിക്കാനും സ്ഫോടന പരമ്പരകള് ആസൂത്രണം ചെയ്യാനും ഇന്ത്യയിലെ സ്ലീപ്പര് സെല്ലുകള്ക്ക് പാക്കിസ്ഥാന് നിര്ദ്ദേശം നല്കി കഴിഞ്ഞതായി വാര്ത്താ ഏജന്സി റിപ്പോര്ട്ട് പുറത്തുവിട്ടിട്ടുണ്ട്. ഇതുസംബന്ധിച്ച് എല്ലാ സൈന ിക വിഭാഗങ്ങള്ക്കും പോലീസിനും റിപ്പോര്ട്ട് കൈമാറിക്കഴിഞ്ഞു. രാജ്യത്തിന്റെ നയം എന്ന രീതിയിലാണ് പാക്കിസ്ഥാന് ഭീകര പ്രവര്ത്തനങ്ങളെ കൈകാര്യം ചെയ്യുന്നതെന്ന് വിദേശകാര്യ മന്ത്രി എസ് ജയശങ്കറും വിമര്ശിച്ചു..
അതേസമയം ഇന്ത്യയില് ഭീകരാക്രമണം നടത്താന് ജെയ്ഷെ മുഹമ്മദും റോഹിങ്ക്യന് മുസ്ലിങ്ങളിലെ ഒരു വിഭാഗവും ചേര്ന്ന് പദ്ധതിയിടുന്നുണ്ടെന്ന് ബിഎസ്എഫും മുന്നറിയിപ്പ് നല്കിയിട്ടുണ്ട്. പാക്കിസ്ഥാനിലെ ജെയ്ഷെ നേതാക്കള് റോഹിങ്ക്യന് യുവാക്കളെ പരിശീലിപ്പിക്കുന്നതായും വിവരമുണ്ട്. പുതിയ പദ്ധതിയായി കടല് വഴി ഭീകരാക്രമണത്തിന് പരീശീലനം നല്കുന്നതായും സൂചനയുണ്ട്.
എന്നാല് ഏത് സാഹചര്യവും നേരിടാന് സന്നദ്ധരായി സദാ ജാഗ്രത പുലര്ത്തി നിരീക്ഷണം ശക്തമാക്കിയിരിക്കുകയാണ് ഇന്ത്യന് സൈന്യം. കടല് വഴിയുള്ള ആക്രമണത്തിന് സൈന്യം സജ്ജമാണെന്ന് നാവിക സേന മേധാവി കഴിഞ്ഞ ദിവസം അറിയിച്ചിരുന്നു. കൂടാതെ അതിര്ത്തി പ്രദേശങ്ങളിലെ സുരക്ഷയും വര്ധിപ്പിച്ചിട്ടുണ്ടെന്നും സൈന്യം സുസജ്ജമാണെന്നും ഔദ്യോഗിക വൃത്തങ്ങള് അറിയിച്ചു.
