മുംബൈ: ബോളിവുഡ് നടന് സഞ്ജയ് ദത്ത് പത്ത് വര്ഷത്തിന് ശേഷം വീണ്ടും രാഷ്ട്രീയത്തിലേക്ക്. മഹാരാഷ്ട്രയിലെ ബിജെപി സഖ്യകക്ഷിയായ രാഷ്ട്രീയ സമാജ് പക്ഷില് (ആര്എസ്പി) ചേരുമെന്നാണ് റിപ്പോര്ട്ടുകള്.
മുമ്പ് സമാജ്വാദി പാര്ട്ടി അംഗമായിരുന്നു സഞ്ജയ് ദത്ത്. 60 കാരനായ സഞ്ജയ് ദത്ത് സെപ്റ്റംബര് 25 ന് രാഷ്ട്രീയ സമാജ് പക്ഷില് (ആര്എസ്പി) ചേരുമെന്ന് പാര്ട്ടി സ്ഥാപകനും മഹാരാഷ്ട്ര സര്ക്കാരിലെ കാബിനറ്റ് മന്ത്രിയുമായ മഹാദേവ് ജങ്കര് പറഞ്ഞു. മഹാരാഷ്ട്രയിലെ ഭരണകക്ഷിയായ ബിജെപിയുടെ ജൂനിയര് സഖ്യകക്ഷിയാണ് ആര്എസ്പി.
തന്റെ പാര്ട്ടി വിപുലീകരിക്കുന്നതിനായി ആര്എസ്പി സിനിമാ മേഖലയെ ലക്ഷ്യമിടുകയാണെന്ന് മഹാദേവ് ജങ്കര് പറഞ്ഞു. സിനിമാ മേഖലയിലും ഞങ്ങളുടെ പാര്ട്ടി വിപുലീകരിക്കുന്നതിനായി ഞങ്ങള് പ്രവര്ത്തിക്കാന് തുടങ്ങിയിട്ടുണ്ട്. ഇതിന്റെ ഭാഗമായി നടന് സഞ്ജയ് ദത്തും സെപ്റ്റംബര് 25 ന് രാഷ്ട്രീയ സമാജ് പക്ഷത്തില് ചേരുമെന്ന് മൃഗസംരക്ഷണ, ക്ഷീര വികസന മന്ത്രി ജങ്കര് പറഞ്ഞു.എന്നാല്, വരാനിരിക്കുന്ന മഹാരാഷ്ട്ര തെരഞ്ഞെടുപ്പില് സഞ്ജയ് ദത്ത് ആര്എസ്പിക്കുവേണ്ടി മാത്രമേ പ്രചാരണം നടത്തുകയുള്ളൂ. തിരഞ്ഞെടുപ്പ് രാഷ്ട്രീയത്തിലേക്ക് അദ്ദേഹം വീണ്ടും പ്രവേശിക്കുന്നത് സംബന്ധിച്ച് ഒരു പത്രക്കുറിപ്പും പുറത്തുവിട്ടിട്ടില്ലാത്തതിനാല് സഞ്ജയ് ദത്തിന്റെ ഭാഗത്തുനിന്ന് ഔദ്യോഗിക സ്ഥിരീകരണമൊന്നുമില്ല.
2014 ലെ മഹാരാഷ്ട്ര നിയമസഭാ തെരഞ്ഞെടുപ്പ് മുതല് ബിജെപിയുടെ നേതൃത്വത്തിലുള്ള എന്ഡിഎയുടെ സഖ്യകക്ഷിയാണ് ആര്എസ്പി. 2009 ല് സഞ്ജയ് ദത്ത് സമാജ്വാദി പാര്ട്ടി (എസ്പി) സ്ഥാനാര്ത്ഥിയായി ലക്നൗ ലോക്സഭാ മണ്ഡലത്തില് നിന്ന് മത്സരിക്കാനിരുന്നെങ്ങിലും ആയുധ നിയമപ്രകാരം കോടതി സ്ഥാനാര്ത്ഥിത്വം റദ്ദാക്കിരുന്നു. എന്നാല് പിന്നീട് എസ്പിയുടെ ജനറല് സെക്രട്ടറിയായി നിയമിതനായെങ്കിലും സഞ്ജയ് രാജിവച്ച് പാര്ട്ടി വിടുകയായിരുന്നു.സഞ്ജയ് ദത്തിന്റെ പിതാവ് അന്തരിച്ച സുനില് ദത്ത്, അഞ്ച് തവണ കോണ്ഗ്രസ് പാര്ട്ടിയില് നിന്ന് മുംബൈ നോര്ത്ത് വെസ്റ്റ് നിയോജകമണ്ഡലത്തെ പ്രതിനിധീകരിച്ചിരുന്നു. 2004 മുതല് 2005 മെയ് വരെ യുപിഎ ഒന്നാം സര്ക്കാരില് യുവജനകാര്യ കായിക മന്ത്രിയായിരുന്നു. മുംബൈയില് നിന്നുള്ള കോണ്ഗ്രസ് മുന് എംപിയാണ് സഞ്ജയ് ദത്തിന്റെ സഹോദരി പ്രിയ ദത്ത്.
