ന്യൂദല്ഹി : ശനിയാഴ്ച അന്തരിച്ച ബിജെപി മുതിര്ന്ന നേതാവും മുന് കേന്ദ്ര ധനമന്ത്രിയുമായ അരുണ് ജെയ്റ്റലിയുടെ ഭൗതികശരീരം ബിജെപി ആസ്ഥാനത്ത് പൊതു ദര്ശനത്തിനായി എത്തിച്ചു. കൈലാഷ് കോളനിയിലെ വസതിയില് പൊതുദര്ശനത്തിന് വെച്ചതിനു ശേഷം അവിടെ നിന്നും വിലാപയാത്രയായാണ് ബിജെപി ആസ്ഥാനത്തേക്ക് എത്തിച്ചത്.
ബിജെപി ആസ്ഥാനത്ത് എത്തിച്ച ഭൗതികശരീരം രണ്ടു മണി വരെ ഇവിടെ പൊതുദര്ശനത്തിനു വെയ്ക്കും. പാര്ട്ടിആസ്ഥാനത്ത് പ്രവര്ത്തകരും നേതാക്കളും അന്തിമോപചാരം അര്പ്പിക്കും. തുടര്ന്ന് യമുനാതീരത്തേക്ക് വിലാപായാത്രയായി എത്തിച്ചതിനു ശേഷം ഭൗതികശരീരം നിഗംബോധ്ഘട്ടില് സംസ്കരിക്കും.
രാഷ്ട്രീയ സാമൂഹിക, സാസ്കാരിക മേഖലയിലെ നിരവധി നേതാക്കളാണ് ജെയ്റ്റലിയുടെ ദല്ഹിയിലെ വസതിയിലെത്തി അന്തിമോപചാരം അര്പ്പിച്ചത്. അദേഹത്തിന് ഇന്നലെ അന്തിമോപചാരം അര്പ്പിച്ചത്. വിദേശപര്യടനത്തിലുള്ള പ്രധാനമന്ത്രി നരേന്രന്ദമോഡിക്കു പകരം പ്രതിരോധ മന്ത്രി രാജ്നാഥ് സിങ് റീത്ത് സമര്പ്പിക്കും.
എന്സിപി നേതാക്കളായ ശരത് പവാര്, പ്രഫുല് പട്ടേല്, ആര്എല്ഡി നേതാവ് അജിത് സിങ് ആന്ധ്ര മുന് മുഖ്യമന്ത്രിയും റ്റിടിപി നേതാവുമായ എന് ചന്ദ്രബാബു നായിഡു, കോണ്ഗ്രസ് നേതാക്കളായ സോണിയ ഗാന്ധി, രാഹുല് ഗാന്ധി തുടങ്ങിയവരും സ്ഥലതെത്തി അന്തിമോപചാരം അര്പ്പിച്ചു.
