കൊച്ചി: സംസ്ഥാനത്ത് മഴ ശക്തമായി തുടരുകയാണ്. കനത്ത മഴയിലും കാറ്റിലും രക്ഷാപ്രവര്ത്തനം കൂടുതല് ദുരുതത്തിലായിരിക്കുകയാണ്. മഴമൂലമുണ്ടായ നാശ നഷ്ടങ്ങളില് ഒമ്പത് പേര് ഇന്ന് മാത്രം മരിച്ചു. നിരവധി പേരെ കാണാതായി.
വയനാട്, ഇടുക്കി ജില്ലകളിലാണ് ഏറ്റവും കനത്ത നാശം. സംസ്ഥാനത്താകെ അയ്യായിരത്തിലധികം പേരെ ദുരിതാശ്വാസ ക്യാമ്പുകളിലേക്കു മാറ്റിയിട്ടുണ്ട്. വയനാട് മേപ്പാടി പുതുമലയില് രാത്രിയുണ്ടായ ഉരുള്പൊട്ടലില് നിരവധി പേര് അകപ്പെട്ടിട്ടുണ്ട്. കണ്ണൂര് ടെറിട്ടോറിയല് ആര്മിയുടെ നേതൃത്വത്തില് അവിടെ രക്ഷാ പ്രവര്ത്തനങ്ങള് നടന്നുവരികയാണ്.
മലപ്പുറം നാടുകാണിയില് വീട് ഒലിച്ചുപോയി രണ്ട് സ്ത്രീകളെ കാണാതായി. വിവിധ ജില്ലകളിലായി നൂറുകണക്കിന് വീടുകള് പൂര്ണമായും ആയിരത്തോളം വീടുകള് ഭാഗികമായും തകര്ന്നു.
മഴയെ തുടര്ന്ന് നെടുമ്പാശ്ശേരി രാജ്യാന്തര വിമാനത്താവളം ഞായറാഴ്ച വരെ അടച്ചിടുമെന്ന് വിമാനത്താവള അതോറിട്ടി അറിയിച്ചു. ഏഴ് വിമാനങ്ങള് കുടുങ്ങിക്കിടക്കുന്നതായും വിമാനത്താവളത്തിന്റെ റണ്വേയിലടക്കം വെള്ളം കയറിയതുമായാണ് റിപ്പോര്ട്ട്. മഴ മാറിയാല് ഞായറാഴ്ച വൈകിട്ട് മൂന്ന് മണിക്കേ തുറക്കുകയുള്ളുവെന്നും സിയാല് അറിയിച്ചു. അതുവരെ കൊച്ചിയിലേക്ക് വരുന്ന വിമാനങ്ങള് വഴിതിരിച്ച് വിടാനാണ് തീരുമാനം.
അതേസമയം, ആലപ്പുഴയ്ക്കും ചേര്ത്തലയ്ക്കും ഇടയില് ട്രാക്കില് മരം വീണ് ട്രെയിന് ഗതാഗതം തടസപ്പെട്ടു. ആലപ്പുഴ വഴി ഉള്ള ട്രെയിനുകള് വൈകും. ഗുരുവായൂര്- തിരുവനന്തപുരം ഇന്റര്സിറ്റി, ബെംഗളുരു- കൊച്ചുവേളി എന്നീ ട്രെയിനുകള് കോട്ടയം വഴി തിരിച്ച് വിട്ടു. ഏറനാട് എക്സ്പ്രസ് കോട്ടയം വഴിയായിരിക്കും സര്വീസ് നടത്തുക. എറണാകുളം- ആലപ്പുഴ പാസഞ്ചറും, ആലപ്പുഴ- എറണാകുളം പാസഞ്ചറും സര്വീസ് നടത്തില്ല.
തിരുവനന്തപുരവും കൊല്ലവും ഒഴികെ 12 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി നല്കി. രക്ഷാപ്രവര്ത്തനങ്ങള്ക്ക് സൈന്യത്തിന്റെ സഹായം തേടിയിട്ടുണ്ട്.
കോട്ടയം പാലാ നഗരത്തില് വെള്ളം കയറി. മീനച്ചിലാര് കരകവിഞ്ഞൊഴുകുകയാണ്. ടൗണിലെ കടകള് തുറക്കരുതെന്നും സാധനങ്ങള് മാറ്റണമെന്നും ജില്ലാ ഭരണകൂടം വ്യാപാരികള്ക്ക് നിര്ദ്ദേശം നല്കി. തൊടുപുഴ ഈരാറ്റുപേട്ട ഭാഗത്തേക്കുള്ള ബസ് സര്വ്വീസ് തടസപ്പെട്ടിരിക്കുകയാണ്. പാലാ നഗരത്തിലൂടെയുള്ള ഗതാഗതം സ്തംഭിച്ച അവസ്ഥയിലാണ്.
നഗരത്തില് മുട്ടോളം പൊക്കത്തില് വെള്ളം കയറിയിരിക്കുകയാണ്. ഈരാറ്റുപേട്ടക്കടുത്ത് നടുക്കത്ത് അതിരാവിലെ ഉരുള്പൊട്ടിയിരുന്നു. ഇതോടെയാണ് മീനച്ചിലാറ്റില് പെട്ടന്ന് വെള്ളം പൊങ്ങിയത്. നാട്ടുകാര് നേരിട്ട് ടൗണിലെ ഗതാഗത നിയന്ത്രണം ഏറ്റെടുത്തിരിക്കുകയാണ്.
