മുല്ലപ്പള്ളി രാമചന്ദ്രന് എന്ന കേരള പ്രദേശ് കോണ്ഗ്രസ് പ്രസിഡന്റ് തികഞ്ഞ ഗാന്ധിയനും ആദരണീയനുമായ നേതാവാണ്. അനാവശ്യ വിവാദങ്ങള് സൃഷ്ടിക്കാത്ത അപവാദ പ്രസംഗങ്ങള് നടത്താത്ത തികച്ചും മാന്യനായ രാഷ്ട്രിയ നേതാവ്. കഴിഞ്ഞദിവസം ഒരു പൊതുയോഗത്തില്, ഇന്ത്യന് രാഷ്ട്രീയത്തില് നവ ഇടതുപക്ഷത്തിന്റെ ജനനത്തിന് സമയമായി എന്ന രാഷ്ട്രീയ പ്രവചനം നടത്തുകയുണ്ടായി അദ്ദേഹം. നിലവിലെ കമ്യൂണിസ്റ്റ് പ്രസ്ഥാനങ്ങള് തകരുകയാണെന്നും ഉടന് ജന്മമെടുക്കുന്ന നവ ഇടതുപക്ഷത്തിന്റെ നേതൃത്വം കോണ്ഗ്രസ്സിനായിരിക്കുമെന്നും അദ്ദേഹം നിരീക്ഷിക്കുന്നു.
കമ്മ്യൂണിസ്റ്റും കോണ്ഗ്രസ്സും കൈകോര്ത്ത് മുന്നണിപ്പരുവത്തില് ഒരു നവ ‘പക്ഷം’ ആണൊ അതൊ നിലവിലുള്ള ഇടതുപക്ഷം മുഴുവന് കോണ്ഗ്രസില് ചേര്ന്ന് പുതിയ പക്ഷമുണ്ടാവലാണോ എന്നൊന്നും മുല്ലപ്പള്ളി വ്യക്തമാക്കിയിട്ടില്ല. കമ്മ്യൂണിസം തകരുമ്പോള്, ബിജെപിയെ എതിര്ക്കാന്, കോണ്ഗ്രസിന്റെ നേതൃത്വത്തില് ഒരു പുതിയ ഇടതുപക്ഷം എന്നുമാത്രമേ അദ്ദേഹം പറയുന്നുള്ളൂ. കേരളത്തില്, കഴിഞ്ഞ ഇലക്ഷനില്, കോണ്ഗ്രസ് നടത്തിയ മിന്നുന്ന പ്രകടനമായിരിക്കാം പുതിയ ഉത്തരവാദിത്വങ്ങള് ഏറ്റെടുക്കാനുള്ള പ്രസിഡന്റിന്റെ ആവേശത്തിനുകാരണം. കഴിഞ്ഞ ഇലക്ഷനില് ശബരിമലവിഷയം ഇല്ലായിരുന്നെങ്കില് കോണ്ഗ്രസിന്റെ അവസ്ഥ എന്താകുമായിരിന്നു?
ഇടതുപക്ഷം തകരുന്നു എന്നുള്ളത് ശരിതന്നെ. ഒരുകാലത്ത് ബീഹാറിലും തെലുങ്കാനയിലുമടക്കം വന് ജനപിന്തുണയുള്ള ഇടതുപക്ഷപ്രസ്ഥാനം പിന്നിട് മൂന്ന് സംസ്ഥാനങ്ങളിലായി ഒതുങ്ങിപ്പോയി. ഇപ്പോള് ത്രിപുരയിലും ബംഗാളിലും തുടച്ചുമാറ്റപ്പെടുകയാണ് ഇടതുപക്ഷം. കേരളത്തില് മാത്രമാണ് ഇപ്പോഴൊരു മേല്വിലാസം.
വ്യത്യസ്തമല്ല മുല്ലപ്പള്ളിയുടെ പാര്ട്ടിയുടെ അവസ്ഥയും. വിദേശി ജന്മംനല്കി, ദേശീയ നേതാക്കള് നെഞ്ചിലേറ്റി, ഇന്ത്യക്ക് സ്വാതന്ത്ര്യം നേടിത്തന്ന, രാജ്യംമുഴുവന് നിറഞ്ഞുനിന്ന ആ മഹാപ്രസ്ഥാനത്തിന്റെ ഇന്നത്തെ അവസ്ഥ അതിദയനീയമാണ്. ഇന്ത്യന് രാഷ്ട്രീയ ഭൂപടത്തില് അപ്രസക്തമാവുകയാണ് മുല്ലപ്പള്ളിയുടെ കോണ്ഗ്രസ്. ശക്തരായ നേതാക്കളില്ലാതെ, ശക്തമായ മുദ്രാവാക്യങ്ങളില്ലാതെ, ജനഹൃദയങ്ങള് കീഴടക്കാന് കഴിയുന്ന തന്ത്രങ്ങളില്ലാതെ വംശനാശത്തിന്റെ വക്കിലാന്ന് ഇന്ത്യന് നാഷണല് കോണ്ഗ്രസ്.
ജന്മഭൂമി ഓണ്ലൈന്