ലണ്ടന്: പോയതവണ മികച്ച പ്രകടനം കാഴ്ചവെച്ചിട്ടും ലിവര്പൂളിന് ഇംഗ്ലീഷ് പ്രീമിയര് ലീഗില് (ഇപിഎല്) കിരീടം നഷ്ടമായി. മുപ്പത് വര്ഷത്തെ കാത്തിരിപ്പിന് വിരാമം കുറിച്ച് പ്രീമിയര് ലീഗ് കിരീടം നേടാനുള്ള ഒരുക്കത്തിലാണ് യൂര്ഗന് ക്ലോപ്പിന്റെ ടീം. പുതിയ സീസണിലെ ആദ്യ മത്സരത്തില് ലിവര്പൂള് ആന്ഫീല്ഡില് ഇന്ന് നോര്വിച്ചിനെ നേരിടും. രാത്രി 12.30 നാണ് കിക്കോഫ്്.
കിരീടം പിടിക്കാന് യുവ താരങ്ങളെയും ലിവര്പൂള് ടീമിലെടുത്തിട്ടുണ്ട്. കൗമാര താരങ്ങളായ സെപ്പ് വാന് ഡെന് ബെര്ഗ്, ഹാര്വി എലിയറ്റ് എന്നിവരെ ട്രാന്സ്ഫര് ജാലകത്തിലൂടെ ലിവര്പൂള് ടീമിലെത്തിച്ചു.സൈമന് മിഗ്നോലെറ്റിന് പകരം സ്്പാനിഷ് ഗോള് കീപ്പര് ആഡ്രിയനും ടീമിലെത്തി. ടീമിന് കിരീടം നേടാന് പ്രാപ്തരാക്കുന്ന അടിത്തറയുണ്ടാക്കിയതായി ക്ലോപ്പ് പറഞ്ഞു.
പോയ സീസണില് ലിവര്പൂളിന്റെ മുന്നിര കാത്ത മുഹമ്മദ് സല, റോബര്ട്ടോ ഫിര്മിമനാ, സാദിയോ മാനെ എന്നിവര് ഇത്തവണയും ടീമിലുണ്ട്. അലക്സ് ഓക്ലേഡ് ചേമ്പര്ലെയിന്, ആദം ലല്ലാന, റിയന് ബ്രൗസ്റ്റര് എന്നിവരും ചേരുമ്പോള് ടീം ശക്തമാകും.
കഴിഞ്ഞ സീസണില് മാഞ്ചസ്റ്റര് സിറ്റിയാണ് ലിവര്പൂളില് നിന്ന് കിരീടം തട്ടിയെടുത്തത്. സിറ്റിയും പുതിയ സീസണില് ശക്തരായ ടീമിനെ തന്നെയാണ് ഇറക്കുന്നത്. സ്പാനിഷ് മധ്യനിരക്കാരന് റോഡ്രിയുമായി സിറ്റി കരാറുണ്ടാക്കിയിട്ടുണ്ട്.
പുതിയ സീസണിലെ ആദ്യ മത്സരത്തില് മാഞ്ചസ്റ്റര് സിറ്റി നാളെ വൈകിട്ട് അഞ്ചിന് വെസ്റ്റ്് ഹാമിനെ നേരിടും.
കഴിഞ്ഞയാഴ്ച നടന്ന കമ്മ്യൂണിറ്റി ഷീല്ഡ് മത്സരത്തില് ലിവര്പൂളിനെ തോല്പ്പിച്ച സിറ്റി ചാമ്പ്യന്മാരായി. നിശ്ചിത സമയത്ത് ഇരു ടീമുകളും ഓരോ ഗോള് നേടി ഒപ്പത്തിനൊപ്പം നിന്നു. ഷൂട്ടൗട്ടില് സിറ്റി 5-4 ന് ലിവര്പൂളിനെ മറികടന്നു.
19-ാം ഇംഗ്ലീഷ് പ്രീമിയര് കിരീടം തേടിയാണ് ലിവര്പൂള് കളിക്കളത്തിലിറങ്ങുന്നത്. മുപ്പത് വര്ഷം മുമ്പാണ് ലിവര്പൂള് അവസാനമായി ഇപിഎല് കിരീടം സ്വന്തമാക്കിയത്.
കഴിഞ്ഞ സീസണില് ഇപിഎല് കിരീടം നഷ്ടമായെങ്കിലും അവര് യുറോപ്യന് കപ്പ് ശിരസ്സിലേറ്റി.
