ദുബായ്: ഐസിസി ഏറ്റവും പുതിയ ടെസ്റ്റ് റാങ്കിങ്ങില് ഇന്ത്യന് നായകന് വിരാട് കോഹ്ലി ഒന്നാം സ്ഥാനത്ത് തുടരുന്നു. ന്യൂസിലന്ഡ് ക്യാപ്റ്റന് കെയ്ന് വില്യംസണ് രണ്ടാം സ്ഥാനത്ത് തുടരുമ്പോള് ചേതേശ്വര് പൂജാരയെ പിന്നിലാക്കി ഓസീസ് താരം സ്റ്റീവ് സ്മിത്ത് മൂന്നാം സ്ഥാനത്തേക്കുയര്ന്നു.
ഇംഗ്ലണ്ടിനെതിരായ ആഷസ് പരമ്പരയിലെ ആദ്യ ടെസ്റ്റിന്റെ രണ്ടിന്നിങ്സിലും നേടിയ സെഞ്ചുറിയാണ് സ്മിത്തിനെ ഒരു സ്ഥാനം മുന്നിലെത്തിച്ചത്. കഴിഞ്ഞ റാങ്കിങ് പുറത്തുവന്നപ്പോള് 857 പോയിന്റാണ് സ്മിത്തിന് ഉണ്ടായിരുന്നത്. ഇപ്പോഴത് 903 ആയിട്ട് ഉയര്ന്നു.
ഇന്ത്യന് താരം ചേതേശ്വര് പൂജാരയെ നാലാം സ്ഥാനത്തേക്ക് പിന്തള്ളിയാണ് സ്മിത്ത് നേട്ടം സ്വന്തമാക്കിയത്. ഇതേ പ്രകടനം തുടര്ന്നാല് സ്മിത്തിന് ഒന്നാം സ്ഥാനത്തുള്ള ഇന്ത്യന് ക്യാപ്റ്റന് വിരാട് കോഹ്ലിയെ മറികടക്കാന് കഴിയും. നിലവില് കോഹ്ലിക്ക് 922 പോയിന്റും വില്യംസണ് 913 പോയിന്റുമാണുള്ളത്. നാലാമതുള്ള ചേതേശ്വര് പൂജാരയ്ക്ക് 881 പോയിന്റാണുള്ളത്. ഹെന്റി നിക്കോള്സ് (778), ജോ റൂട്ട് (741), ഡേവിഡ് വാര്ണര് (721) എന്നിവര് അടുത്ത സ്ഥാനങ്ങളിലുണ്ട്. വാര്ണറെ ഒരു സ്ഥാനം പിന്നോട്ടു നീക്കിയാണ് ജോ റൂട്ട് ആറാം സ്ഥാനത്തേക്കുയര്ന്നത്.
ബൗളര്മാരുടെ റാങ്കിങ്ങില് ഓസ്ട്രേലിയന് പേസര് പാറ്റ് കമ്മിന്സ് ഒന്നാം സ്ഥാനം നിലനിര്ത്തി. ആദ്യ പത്തില് രണ്ട് ഇന്ത്യന് താരങ്ങളാണുള്ളത്. രവീന്ദ്ര ജഡേജ ആറാമതും ആര്. അശ്വിന് പത്താം സ്ഥാനത്തുമുണ്ട്. ഇംഗ്ലീഷ് പേസര് ജെയിംസ് ആന്ഡേഴ്സണെ പിന്തള്ളി ദക്ഷിണാഫ്രിക്കയുടെ കഗിസോ റബാഡ രണ്ടാം സ്ഥാനത്തെത്തി. ആഷസ് പരമ്പരയിലെ ആദ്യ ടെസ്റ്റില് 9 വിക്കറ്റ് വീഴ്ത്തിയ ഓസീസ് സ്പിന്നര് ലിയോണ് ആറ് സ്ഥാനം മുന്നോട്ടുകയറി 13-ാം സ്ഥാനത്തെത്തി. ഓള് റൗണ്ടര്മാരുടെ പട്ടികയില് ആദ്യ അഞ്ച് സ്ഥാനക്കാര്ക്കും മാറ്റമില്ല. വിന്ഡീസ് നായകന് ജാസണ് ഹോള്ഡറാണ് ഒന്നാമത്. ഇന്ത്യന് താരം രവീന്ദ്ര ജഡേജ മൂന്നാമത്.
