ന്യൂദല്ഹി : ജമ്മു കശ്മീരിന്റെ പ്രത്യേക പദവി എടുത്തു കളയുകയും രണ്ടായി വിഭജിക്കുകയും ചെയ്ത ബില്ലുകള് ഇന്ന് ലോക്സഭ പരിഗണിക്കും. ബില്ല് തിങ്കളാഴ്ച രാജ്യസഭ പാസ്സാക്കിയിരുന്നു. അതിനു പിന്നാലെയാണ് ലോക്സഭയുടെ അംഗീകാരത്തിനു വിടുന്നത്.
ഇതിലൂടെ രാജ്യത്തെ മറ്റ് സംസ്ഥാനങ്ങളെപ്പോലെ തന്നെ ജമ്മു കശ്മീരിനേയും മാറ്റിയെടുക്കാന് എന്ഡിഎ സര്ക്കാരിനും അമിത് ഷായ്ക്കും സാധിച്ചു. രാജ്യസഭയില് 61ന് 125 പേര് അനുകൂലിച്ചുകൊണ്ടാണ് രാജ്യസഭയില് ഈ ബില്ലുകള് പാസ്സായത്. ബില്ല് പാസ്സായപ്പോള് പ്രധാനമന്ത്രി നരേന്ദ്രമോദി സ്വന്തം ഇരിപ്പിടത്തില് നിന്ന് എഴുന്നേറ്റ് അമിത് ഷായുടെ തോളില് തട്ടി അഭിനന്ദിച്ചു. ആഭ്യന്തരമന്ത്രി പദവി എന്ന തീരുമാനം ഉചിതമെന്ന് ഒരിക്കല് കൂടി അമിത് ഷാ തെളിയിച്ചെന്ന സന്തോഷമായിരുന്നു, ആ സമയം മോദിയുടെ മുഖത്ത് ഒപ്പം അഭിമാനത്തോട അമിത് ഷായുടെ കൈ പിടിച്ച് കുലുക്കി, മറുപടിയായി ഇളം പുഞ്ചിരിയോടെ കൈ കൂപ്പി അമിത് ഷാ.
എന്സിപിയും തൃണമൂല് കോണ്ഗ്രസും വോട്ടെടുപ്പില് പങ്കെടുക്കാതെ വിട്ടു നിന്നപ്പോള് എന്ഡിഎ സഖ്യകക്ഷിയായ ജെഡിയു ബില്ലിനെതിരായി വോട്ട് ചെയ്തു. ആഭ്യന്തരമന്ത്രി അമിത് ഷായുടെ മറുപടി പ്രസംഗത്തിന് ശേഷം ജമ്മു കശ്മീര് സാമ്പത്തിക സംവരണബില്ലാണ് സഭ ആദ്യം പാസാക്കിയത്. പിന്നീട് 370-ാം വകുപ്പ് റദ്ദാക്കി കൊണ്ടുള്ള ബില് പാസാക്കി. ഒടുവിലായാണ് ജമ്മു കശ്മീര് വിഭജന ബില്ലും പാസാക്കിയത്. കശ്മീരിലെ രക്തചൊരിച്ചില് ഒഴിവാക്കാന് വേണ്ടിയാണ് 370-ാം വകുപ്പ് എടുത്തു കളയുന്നതെന്ന് അഭ്യന്തരമന്ത്രി രാജ്യസഭയില് അറിയിച്ചു. ജമ്മു കശ്മീരിന്റെ വളര്ച്ചയ്ക്കല്ല ഭീകരതയുടെ വളര്ച്ചയ്ക്കായാണ് 370-ാം വകുപ്പ് ഉപയോഗപ്പെടുത്തിയത്. മേഖലയിലെ അഴിമതിയും ദാരിദ്രവും ഇതിലൂടെ വര്ധിക്കുകയാണ് ചെയ്തതെന്നും അദ്ദേഹം അറിയിച്ചു.
ആര്ട്ടിക്കിള് 370 കൊണ്ട് കശ്മീരിന് പ്രത്യേകിച്ച് പ്രയോജനമുണ്ടായില്ല. ഇതുമൂലം അവിടത്തെ ജനങ്ങള് ദാരിദ്ര്യത്തിലാണ് കഴിയേണ്ടി വന്നത്. അവര്ക്ക് സംവരണത്തിന്റെ ആനുകൂല്യങ്ങള് ലഭിക്കാന് ഇത് തടസ്സമായെന്നും അമിത്ഷാ ചൂണ്ടിക്കാട്ടി. 370 ന്റെ കാര്യത്തില് സഭയിലെ എല്ലാ അംഗങ്ങളെയും കേള്ക്കാന് താന് തയ്യാറാണെന്നും എല്ലാ ചോദ്യങ്ങള്ക്കും ഉത്തരം നല്കുമെന്നും അമിത് ഷാ പറഞ്ഞു.ആയുഷ്മാന് ഭാരത് പദ്ധതി എല്ലാ സംസ്ഥാനങ്ങളിലും എന്ന പോലെ ജമ്മു കാശ്മീരിലുമുണ്ട്. പക്ഷേ അതു നടപ്പാക്കാന് ആശുപത്രികള് എവിടെയാണുള്ളത്. കശ്മീരിലെവിടെയാണ് നല്ല ഡോക്ടര്മാരും നഴ്സുമാരുമുള്ളത്. കശ്മീരില് ജീവിക്കാനും അവിടെ ജോലി ചെയ്യാനും പുറത്തുള്ള എത്ര ഡോക്ടര്മാര് തയ്യാറാവുമെന്ന് 35 എയെ പിന്തുണയ്ക്കുന്നവര് വ്യക്തമാക്കണം.
അയാള് എത്ര കാലം അവിടെ ജീവിച്ചാലും അവിടെ അവര്ക്ക് വോട്ടവകാശവും കിട്ടില്ല. മുമ്പത്തെ രാഷ്ട്രീയ സാഹചര്യത്തില് ഒരു താല്കാലിക സംവിധാനം എന്ന നിലയിലാണ് 370-ാം വകുപ്പ് കൊണ്ടു വന്നത് അത് എല്ലാവര്ക്കും അംഗീകരിക്കാന് സാധിക്കും. പക്ഷേ താല്കാലികമായി കൊണ്ടു വന്ന ഒരു നിയമം 70 വര്ഷം നിലനില്ക്കുന്നത് അംഗീകരിക്കാന് സാധിക്കില്ലെന്ന് അമിത് ഷാ കൂട്ടിച്ചേര്ത്തു.
