കൊച്ചി: ഭീകരവാദ- തീവ്രവാദ-മതപരിവര്ത്തന പ്രവര്ത്തനങ്ങള്ക്കെതിരെ ഹിന്ദു ഐക്യവേദി വെള്ളിയാഴ്ച മുതല് ഒമ്പത് വരെ ഭീകരവിരുദ്ധ വാരമായി ആചരിക്കുമെന്ന് ഹിന്ദു ഐക്യവേദി സംസ്ഥാന സെക്രട്ടറി ഇ.ജി.മനോജ് അറിയിച്ചു. സംസ്ഥാനമൊട്ടാകെ വാഹന പ്രചരണ ജാഥയും നടത്തും.
ലോകത്തെവിടെ ഭീകര പ്രവര്ത്തനം നടന്നാലും അന്വേഷണം അവസാനം എത്തിനില്ക്കുന്നത് കേരളത്തിലാണെന്ന വസ്തുത ഞെട്ടിപ്പിക്കുന്നതാണ്. കേരളം ഭീകരവാദികളുടെ പറുദീസയായി മാറിക്കൊണ്ടിരിക്കുന്നത് കണ്ടില്ലെന്ന് നടിച്ച് മാറി മാറി വരുന്ന ഭരണവര്ഗം സ്വീകരിക്കുന്ന മൃദുനിലപാട് നാടിനോടുള്ള കടുത്ത വെല്ലുവിളിയാണ്.
പട്ടിക ജാതി വര്ഗ കോളനികളും ആദിവാസി കുടിലുകളും കേന്ദ്രീകരിച്ച് ജീവകാരുണ്യ പ്രവര്ത്തനങ്ങളുടെ മറവില് നടക്കുന്ന മതപരിവര്ത്തനങ്ങള്ക്ക് അധികാരികള് കടിഞ്ഞാണിടമെന്നും മനോജ് ആവശ്യപ്പെട്ടു.
