കൊളംബോ: അവിഷ്ക ഫെര്ണാന്ഡോ വഗത്തില് അടിച്ചെടുത്ത അര്ധ ശതകത്തിന്റെ മികവില് രണ്ടാം ഏകദിനത്തില് ബംഗ്ലാദേശിനെ ഏഴു വിക്കറ്റിന് തോല്പ്പിച്ച് ശ്രീലങ്ക മൂന്ന് മത്സരങ്ങളുടെ പരമ്പരയില് 2-0 ന്റെ അനിഷേധ്യ ലീഡ് സന്തമാക്കി.
ഓപ്പണര് ഫെര്ണാന്ഡോ ഏഴുപത്തിയഞ്ച് പന്തില് 82 റണ്സ് നേടിയതോടെ ശ്രീലങ്ക 44.4 ഓവറില് മൂന്ന് വിക്കറ്റ് നഷ്ടത്തില് 242 റണ്സ് നേടി വിജയിച്ചു. ആദ്യം ബാറ്റ് ചെയ്ത ബംഗ്ലാദേശിനെ ബൗളര്മാരുടെ മികവില് ശ്രീലങ്ക അമ്പത് ഓവറില് എട്ട് വിക്കറ്റിന് 238 റണ്സിലൊതുക്കി നിര്ത്തി. മുഷ്ഫിക്കര് റഹിം 98 റണ്സുമായി കീഴടങ്ങാതെ നിന്നു.
ആദ്യ വിക്കറ്റില് ഫെര്ണാന്ഡോ ക്യാപ്റ്റന് ദിമുത്തു കരുണരത്നയ്ക്കൊപ്പം ആദ്യ വിക്കറ്റില് 71 റണ്സിന്റെ കൂട്ടുകെട്ടുണ്ടാക്കി. മികച്ച തുടക്കം ലഭിച്ചതോടെ ശ്രീലങ്ക അനായാസം വിജയത്തിലേക്ക് നീങ്ങി. മുന് നായകന് ഏയഞ്ചലോ മാത്യൂസ് 52 റണ്സുമായി അജയ്യനായി നിന്നു. 57 പന്ത് നേരിട്ട മാത്യൂസ് ഏഴു ബൗണ്ടറിയിടിച്ചു.
ആദ്യ ഏകദിനത്തിലും ശ്രീലങ്ക വിജയം നേടിയിരുന്നു. അവസാന ഏകദിനം നാളെ കൊളംബോയില് നടക്കും.
