ബംഗളൂരു: കര്ണാടകയിലെ രാഷ്ട്രീയ നാടകത്തിന് തിരശീല വീഴുന്നു. വിശ്വാസ വോട്ടെടുപ്പ് നടത്താതെ രാജിപ്രഖ്യാപിക്കാനുള്ള ഒരുക്കത്തിലാണ് മുഖ്യമന്ത്രി കുമാരസ്വാമിയെന്ന് റിപ്പോര്ട്ട്. ഇന്നു വൈകിട്ട് ആറു മണിക്ക് മുന്പ് വിശ്വാസ വോട്ടെടുപ്പിലൂടെ ഭൂരിപക്ഷം തെളിയിക്കാനുള്ള സ്പീക്കറുടെ അന്ത്യശാസനം നിലനില്ക്കെയാണ് രാജി നീക്കതിന് കുമാരസ്വാമി തയാറെടുക്കുന്നത്. സഭയില് ഭൂരിപക്ഷം തെളിയിക്കാന് സാധിക്കില്ലെന്ന് സഖ്യ സര്ക്കാരിന് വ്യക്തമായിട്ടുണ്ട്. ഈ സാഹചര്യത്തില് വിശ്വാസ പ്രമേയ ചര്ച്ചയില് പങ്കെടുത്ത് അവസാന പ്രസംഗം നടത്തി കുമാരസ്വാമി രാജി വയ്ക്കുമെന്ന റിപ്പോര്ട്ടുകളാണ് ഇപ്പോള് പുറത്തുവരുന്നത്. ഇപ്പോള് വിശ്വാസ വോട്ടെടുപ്പ് നടന്നാല് സഖ്യ സര്ക്കാരിന് കേവലം 100 എംഎല്എമാരുടെ പിന്തുണ മാത്രമാണ് ഉണ്ടാകുക. എന്നാല്, ബിജെപിക്കാകട്ടെ 105 എംഎല്എമാരുടെ പിന്തുണയുണ്ടാകും. വിമത എംഎല്എമാര് സഭയില് എത്താത്തതാണ് സഖ്യ സര്ക്കാരിന് തിരിച്ചടിയായത്നിയമസഭയില് കുമാരസ്വാമി സര്ക്കാരിന് ഭൂരിപക്ഷം നഷ്ടമായിരിക്കുകയാണെന്നും വിശ്വാസ വോട്ടെടുപ്പില് അവര് പരാജയപ്പെടുമെന്നുമാണ് ബിജെപി പറയുന്നത്. വിശ്വാസ വോട്ടെടുപ്പില് സഖ്യ സര്ക്കാര് പരാജയപ്പെട്ടാല് ബിജെപിക്ക് സര്ക്കാര് രൂപീകരിക്കാന് സാധിക്കും.
കഴിഞ്ഞ വ്യാഴാഴ്ചയാണു സഭയില് അവിശ്വാസപ്രമേയം അവതരിപ്പിച്ചത്. അതിനു ശേഷം സഭയിലും പുറത്തും നടന്നത് രാഷ്ട്രീയ നാടകങ്ങളായിരുന്നു. വോട്ടെടുപ്പ് നടത്താതെ ചര്ച്ച അനുവദിച്ച് ആറു ദിവസം പിന്നിട്ട ശേഷമാണ് വോട്ടെടുപ്പ് നടത്താതെ സര്ക്കാര് രാജിക്കൊരുങ്ങുന്നത്. ഗവര്ണര് നല്കിയ അന്ത്യശാസനവും സ്പീക്കറും സര്ക്കാരും പലതവണ തള്ളിയിരുന്നു. അനിവാര്യമായ പതനം മുന്നില് കണ്ടതോടെ വിശ്വാസപ്രമേയത്തില് വോട്ടെടുപ്പ് നടത്താതെ സ്ഥാനം ഒഴിയാനുള്ള നീക്കമാണ് കോണ്ഗ്രസ്-ജെഡിഎസ് സഖ്യ സര്ക്കാര് നടത്തുന്നത്.
16 വിമത എംഎല്എമാര് രാജിവെക്കുകയും രണ്ട് സ്വതന്ത്ര എംഎല്എമാര് പിന്തുണ പിന്വലിക്കുകയും ചെയ്തതോടെ ഉണ്ടായ പ്രതിസന്ധിയാണ് കുമാര സ്വാമി സര്ക്കാരിനെ വിശ്വാസവോട്ടിലേക്കും അതുവഴി രാജിയിലേക്കും നയിച്ചത്. രാജിവെച്ച 12 എംഎല്എമാരും സഭയില് എത്തിയിരുന്നില്ല. സഭയില് എത്തില്ലെന്ന് ഇവര് നേരത്തെ വ്യക്തമാക്കിയിരുന്നു. കൂടാതെ കെ. സുധാകര്, ആനന്ദ് സിങ്, റോഷന് ബെയ്ഗ് എന്നീ എംഎല്എമാരും വിശ്വാസവോട്ടെടുപ്പില് പങ്കെടുത്തില്ല. ഇതോടെയാണ് സര്ക്കാര് താഴെ വീണത്. വിമതര് വിശ്വാസവോട്ടില് പങ്കെടുകാത്തതിനെ തുടര്ന്ന് സ്പീക്കറും നാമനിര്ദ്ദേശം ചെയ്ത അംഗവും രാമലിംഗ റെഡ്ഢിയും ഉള്പ്പെടെ 103 അംഗങ്ങളാണ് കോണ്ഗ്രസ് ജെഡിഎസ് സഖ്യത്തിന് ഉണ്ടായിരുന്നത്. വിശ്വാസവോട്ടെടുപ്പിനോട് അനുബന്ധിച്ച് നിയമസഭ മന്ദിരമായ വിധാന് സൗധയില് സുരക്ഷ ശക്തമാക്കിയിരുന്നു.ഒരു അഡീഷനല് കമ്മിഷണര്, അഞ്ച് ഡപ്യൂട്ടി കമ്മിഷണര്, 20 അസിസ്റ്റന്റ് കമ്മിഷണര്മാരടക്കം 2000 ത്തോളം പോലീസ് ഉദ്യോഗസ്ഥര് വിധാന് സൗധയില് എത്തിയിരിന്നത്.
