തൃശൂര്: കഞ്ചാവുമായി പിടിയിലായ എസ്എഫ്ഐ നേതാവിന് സംസ്ഥാനത്തെ ലഹരി മാഫിയയുമായി അടുത്ത ബന്ധമെന്ന് എക്സൈസ്. രണ്ടുകിലോ കഞ്ചാവുമായി കാറില് കടക്കുന്നതിനിടെയാണ് കഴിഞ്ഞ ദിവസം എസ്എഫ്ഐ നേതാവും വാടാനപ്പിള്ളി സ്വദേശിയുമായ മുഹമ്മദ് ഷെജി പിടിയിലായത്. ഇയാളാണ് മധ്യകേരളത്തിലെ കഞ്ചാവ് വിതരണം നിയന്ത്രിക്കുന്നതെന്ന് എക്സൈസ് അറിയിച്ചു. ആന്ധ്രയില് നിന്നും ട്രെയിനില് കഞ്ചാവ് എത്തിച്ച് കൂടിയ വിലയ്ക്ക മറിച്ചു വില്ക്കുകയാണ് മുഹമ്മദ് ഷെജി ചെയ്തിരുന്നത്.
ആന്ധ്രയില് നിന്നും ട്രെയിന് മാര്ഗം തൃശൂരിലേക്ക് എസ്എഫ്ഐ നേതാവിന്റെ നേതൃത്വത്തില് കഞ്ചാവ് കടത്തുന്നുവെന്ന വിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് ഇയാള് എക്സൈസിന്റെ പിടിയിലാകുന്നത്.
ഇയാള് രണ്ടു കിലോ കഞ്ചാവ് നിറച്ച ബാഗ് കാറിനുള്ളിലേക്ക് കയറാന് ശ്രമിക്കുന്നതിനിടെ റേഞ്ച് ഇന്സ്പെക്ടര് എം.എഫ് സുരേഷിന്റെ നേതൃത്വത്തിലുള്ള സംഘം തടയുന്നത്. പിടിവലിക്കിടെ ജെയ്സണ് ജോസിനെ അടിച്ചുവീഴ്ത്തി പ്രതി ഓടി. തുടര്ന്ന് ഇയാളെ ഓടിച്ചിട്ട് പിടികൂടുടയായിരുന്നു. തുടര്ന്ന് കോടതിയില് ഹാജരാക്കിയ എസ്എഫ്ഐ നേതാവിനെ റിമാന്ഡ് ചെയ്തിരിക്കകയാണ് ഇപ്പോള്.
ശബരിമലയില് പോകാനായി വൃതം നോക്കുന്ന അയ്യപ്പ വിശ്വാസികള് കഞ്ചാവ് വലിക്കുമെന്ന് ഫെയ്സ്ബുക്കില് പോസ്റ്റിട്ട് അയ്യപ്പ വിശ്വാസികളെയെല്ലാം ഇയാള് അധിക്ഷേപിച്ചിരുന്നു. കഞ്ചാവ് കേസില് പിടിയിലായ മുഹമ്മദ് ഷെജി മുഖ്യമന്ത്രി പിണറായി വിജയനൊപ്പമെടുത്ത സെല്ഫി പുറത്തു വന്നതോടെ തൃശൂരിലെ എസ്എഫ്ഐ നേതൃത്വം പ്രതിരോധത്തിലായിട്ടുണ്ട്.
