കൊല്ക്കത്ത: ലോക്സഭാ തെരഞ്ഞെടുപ്പില് തിരിച്ചടി നേരിട്ടതിന് പിന്നാലെ ബംഗാളില് തൃണമൂല് കോണ്ഗ്രസ് പ്രവര്ത്തകര് നടത്തിവരുന്ന അക്രമണങ്ങള്ക്ക് അറുതിയില്ല. ഇന്ന് പശ്ചിമബംഗാളിലെ നോര്ത്ത് 24 പര്ഗാനാസ് ജില്ലയില് തൃണമൂല് ഗുണ്ടകള് വ്യാപക ആക്രമണങ്ങള് അഴിച്ചുവിട്ടു. ആക്രമണത്തില് ഒരു ബിജെപി പ്രവര്ത്തക വെടിയേറ്റ് മരിച്ചു. സരസ്വതി ദാസാണ് അക്രമിസംഘത്തിന്റെ വെടിയേറ്റ് മരിച്ചത്.
പശ്ചിമബംഗാളിലെ നോര്ത്ത് 24 പര്ഗാനാസ് ജില്ലയിലാണ് സംഭവം. സരസ്വതി ദാസിനെ തൃണമൂല് കോണ്ഗ്രസ് ഗുണ്ടകള് ക്രൂരമായി ആക്രമിക്കുകയും പിന്നീട് കൊലപ്പെടുത്തുകയുമായിരുന്നു. ലോക്സഭ തെരഞ്ഞെടുപ്പില് ബിജെപിക്ക് വേണ്ടി സജീവമായി പ്രചാരണ രംഗത്തുണ്ടായിരുന്ന പ്രവര്ത്തകയായിരുന്നു സരസ്വതി ദാസ്.
അതേസമയം ബംഗാളില് ക്രമസമാധാനനില പൂര്ണമായി തകര്ന്നിരിക്കുകയാണ്. ആരും സുരക്ഷിതരല്ലാത്ത അവസ്ഥയാണ് ഇവിടെയെന്നും ബിജെപിയുടെ ബംഗാള് ഘടകം ട്വിറ്റ് ചെയ്തു. കഴിഞ്ഞ ദിവസം നോര്ത്ത് 24 പര്ഗാനാസ്, ബസിര്ഹട്ട് എന്നിവിടങ്ങളില് തൃണമൂലിന്റെ പ്രാദേശിക നേതാക്കളായ മുസ്ലിം ക്രിമിനലുകള് മൂന്ന് ബിജെപി പ്രവര്ത്തകരെ കൊലപ്പെടുത്തിയിരുന്നു.
പ്രദീപ് മൊണ്ടാല്, സുകാന്ത മൊണ്ടാല്, ശങ്കര് മൊണ്ടാല് എന്നിവരെയാണ് വെടിവച്ചും ബോംബെറിഞ്ഞും കൊലപ്പെടുത്തിയത്. ശനിയാഴ്ച രാവിലെ തൃണമൂല് പ്രവര്ത്തകര് ബിജെപി പതാകകള് നീക്കം ചെയ്തതാണ് സംഘര്ഷത്തില് കലാശിച്ചത്. രാത്രിയുണ്ടായ അക്രമങ്ങളില് നിരവധി പേര്ക്ക് പരിക്കേറ്റിരുന്നു. വീടുകളും വ്യാപാര സ്ഥാപനങ്ങളും ഉള്പ്പെടെ ആക്രമികള് തകര്ത്തിരുന്നു.
ലോക്സഭാ തെരഞ്ഞെടുപ്പില് തൃണമൂലിന്റെ സീറ്റ് 34ല് നിന്നും 22 ആയി കുറഞ്ഞിരുന്നു. രണ്ട് സീറ്റുണ്ടായിരുന്ന ബിജെപി പതിനെട്ടിലെത്തി. ഇതിന് പിന്നാലെയാണ് മമതയുടെ പിന്തുണയോടെ പ്രാദേശിക മുസ്ലിം നേതാക്കള് കലാപം അഴിച്ചുവിടുന്നത്.
