ന്യൂദല്ഹി: ഉപരാഷ്ട്രപതിയെ കണ്ടപ്പോഴേക്കും തന്നെ സോഷ്യല് മീഡിയ ആന്ധ്രപ്രദേശിലെ ഗവര്ണര് ആക്കിയെന്ന് മുന് കേന്ദ്രമന്ത്രി സുഷമ സ്വരാജ്.ട്വിറ്ററിലാണ് സുഷമ സ്വരാജ് ഇക്കാര്യം കുറിച്ചത്. ഇത് വ്യാജ പ്രചരണമാണ്.
കഴിഞ്ഞ മോദി മന്ത്രിസഭയില് വിദേശകാര്യ മന്ത്രിയായിരുന്ന സുഷമ സ്വരാജ് വിദേശകാര്യ മന്ത്രി പദവിയില് നിന്ന് ഒഴിവാകുന്നതിനു വേണ്ടിയാണ് ഉപരാഷ്ട്രപടി വെങ്കയ്യ നായിഡുവുമായി കൂടിക്കാഴ്ച നടത്തിയത്. എന്നാല്, ഉപരാഷ്ട്രപതിയുമായുള്ള കൂടിക്കാഴ്ച കഴിഞ്ഞപ്പോഴേക്കും ചില ചാനലുകളും സോഷ്യല് മീഡിയ സുഷമ സ്വരാജിനെ ആന്ധ്രാ ഗവര്ണറാക്കി നിയമിച്ചുവെന്ന തരത്തില് പ്രചരണം നടത്തിയിരുന്നു.
‘വിദേശകാര്യമന്ത്രി പദവിയില് നിന്ന് രാജി വെയ്ക്കുന്നതിന് വേണ്ടിയാണ് ഉപരാഷ്ട്രപതി വെങ്കയ്യ നായിഡുവുമായി കൂടിക്കാഴ്ച നടത്തിയത്. എന്നാല്, ഇതു മതിയായിരുന്നു ട്വിറ്ററിന് തന്നെ ആന്ധ്രാപ്രദേശിലെ ഗവര്ണറായി നിയമിക്കാന്’- ട്വിറ്ററില് സുഷമ സ്വരാജ് കുറിച്ചു. പിന്നീട് ആന്ധ്രാപ്രദേശ് ഗവര്ണറായി തന്നെ നിയമിച്ചെന്നുള്ള വാര്ത്തകള് സത്യമല്ലെന്നും മുന്മന്ത്രി ട്വീറ്റ് ചെയ്തു.
