ഔള്‍റൗണ്ടര്‍ ഷാക്കിബ്

ലണ്ടന്‍: ബംഗ്ലാദേശ് ഓള്‍റൗണ്ടര്‍ ഷാക്കിബ് അല്‍ ഹസന് ഈ ദിവസം മറക്കാനാകില്ല. ദക്ഷിണാഫ്രിക്കയെ തകര്‍ത്ത് ടീം ലോകകപ്പില്‍ തുടക്കം ഗംഭീരമാക്കിയപ്പോള്‍, ഒരു വ്യക്തിഗത നേട്ടവും താരത്തെ തേടിയെത്തി. ഏകദിനത്തില്‍ വേഗത്തില്‍ 5000 റണ്‍സും 250 വിക്കറ്റും നേടുന്ന താരമെന്ന റെക്കോഡ്. 199 മത്സരങ്ങളില്‍ നിന്നാണ് നേട്ടം.

പാക്കിസ്ഥാന്‍ ഓള്‍റൗണ്ടറായിരുന്ന അബ്ദുള്‍ റസാഖിനെ കാതങ്ങള്‍ മറികടന്നാണ് ബംഗ്ല ഓള്‍റൗണ്ടറുടെ നേട്ടം. റസാഖ് 258 കളിയിലാണ് ഈ നേട്ടം സ്വന്തമാക്കിയത്. 273 മത്സരങ്ങളില്‍ ഈ നാഴികക്കല്ല് പിന്നിട്ട പാക് താരം ഷാഹിദ് അഫ്രീദിയാണ് മൂന്നാമത്.

മത്സരത്തില്‍ എയ്ഡന്‍ മക്രാമിനെ പുറത്താക്കിയതോടെയാണ് ഷാക്കിബ് 250 വിക്കറ്റിലെത്തി. 5000 റണ്‍സും 250 വിക്കറ്റും നേടുന്ന അഞ്ചാമത്തെ താരം കൂടിയാണ് ഷാക്കിബ്. ഷാഹിദ് അഫ്രീദി (പാകിസ്താന്‍, 395 വിക്കറ്റ്, 8064 റണ്‍സ്) ജാക്് കാലിസ് (ദക്ഷിണാഫ്രിക്ക, 273 വിക്കറ്റ്, 11,579 റണ്‍സ്), സനത് ജയസൂര്യ (ശ്രീലങ്ക, 323 വിക്കറ്റ്, 13,430 റണ്‍സ്), അബ്ദുല്‍ റസാഖ് (പാകിസ്താന്‍, 269 വിക്കറ്റ്, 5080 റണ്‍സ്) എന്നിവരാണ് ഇതിന് മുമ്പ് ഈ ക്ലബ്ബില്‍ ഇടം നേടിയവര്‍. 

250 വിക്കറ്റ് നേടുന്ന ആദ്യ ബംഗ്ലാദേശ് സ്പിന്നറും രണ്ടാമത്തെ ബംഗ്ലാദേശ് ബൗളറുമാണ് ഈ മുപ്പത്തിണ്ട് വയസ്സുകാരന്‍. ഈ നേട്ടത്തിലെത്തുന്ന ഇരുപത്തിയാറാമത്തെ ബൗളറുമാണ് ഇദ്ദേഹം. ദക്ഷിണാഫ്രിക്കയ്‌ക്കെതിരെ താരം ബാറ്റുകൊണ്ടും തിളങ്ങി. 84 പന്തില്‍ നിന്ന് 72 റണ്‍സ് അടിച്ചെടുത്തു. മൂന്നാം വിക്കറ്റില്‍ മുഷ്ഫിഖുര്‍ റഹീമുമായി 142 റണ്‍സിന്റെ റെക്കോഡ് കൂട്ടുകെട്ടുമുണ്ടാക്കി.