മാഡ്രിഡ്: കഴിഞ്ഞ ഏഴു ഫൈനലുകളില് യൂര്ഗന് ക്ലോപ്പിനിത് ആദ്യ ജയം. തന്ത്രങ്ങളില് മാന്ത്രികം കാട്ടുന്നവനെന്ന ചീത്തപ്പേര് അഭിമാനമാക്കിയ ക്ലോപ്പിന് ഇനി അഹങ്കരിക്കാം. ഒന്നര പതിറ്റാണ്ടോളം കിരീടം സ്വപ്നമായി കരുതിയ ലിവര്പൂളിനെ ചാമ്പ്യന്സ് ലീഗില് മുത്തമിടീച്ചിരിക്കുന്നു.
ലിവര്പൂളിന്റെ മുന്നേറ്റങ്ങളിലെല്ലാം ക്ലോപ്പിന്റെ സ്പര്ശം പ്രകടമായി. മൂന്നാഴ്ച മുമ്പ് ഇംഗ്ലീഷ് പ്രീമിയര് ലീഗില് ഒരു പോയിന്റ് അകലെ കിരീടം തട്ടിതെറിച്ചതിന്റെ ക്ഷീണം മറക്കാം. 2015ലാണ് ജര്മന്കാരനായ ക്ലോപ്പ് ലിവര്പൂളിലെത്തുന്നത്. നാല് വര്ഷം മുമ്പ് പ്രീമിയര് ലീഗില് സ്റ്റോക് സിറ്റിയോട് ഒന്നിനെതിരെ ആറു ഗോളുകള്ക്ക് തകര്ന്നടിഞ്ഞ ലിവര്പൂള് തോല്വിയുടെ പടുകുഴിയിലെത്തിയിരുന്നു.
പടിപടിയായി ടീമിനെ ഉണര്ത്തിയ ക്ലോപ്പ് 2016ല് ലിവര്പൂളിനെ ചാമ്പ്യന്സ് ലീഗ് ഫൈനലിലെത്തിച്ചു. സ്പാനിഷ് വമ്പന്മാരായ റയല് മാഡ്രിഡിനോട് തോല്വിയായിരുന്നു ഫലം. ഇത്തവണ പ്രീമിയര് ലീഗില് സിറ്റിയോട് കടുത്ത പോരാട്ടം നടത്തിയെങ്കിലും കിരീടം ഒരു പോയിന്റ് അകലെ നഷ്ടമായി.
