കൊച്ചി: ജാതിമത ഭേദമില്ലാതെ ഒപ്പമുണ്ടെന്ന സൂചന നല്‍കുകയാണ് എന്‍ഡിഎയുടെ തെരഞ്ഞെടുപ്പ് പരിപാടിയിലെ ബഹുജനപങ്കാളിത്തം. ന്യൂനപക്ഷമോര്‍ച്ചയുടെ നേതൃത്വത്തില്‍ നിരവധി പ്രവര്‍ത്തകര്‍ കണ്ണന്താനത്തിന്റെ തെരഞ്ഞെടുപ്പ് പ്രചാരണ പ്രവര്‍ത്തനങ്ങള്‍ക്ക് രംഗത്തിറങ്ങിയതോടെ ക്രിസ്ത്യന്‍, മുസ്ലിം ജനവിഭാഗങ്ങളുടെയിടയില്‍ ഇടത് വലതി പക്ഷങ്ങള്‍ നടത്തിയ നുണപ്രചാരണങ്ങള്‍ക്ക് ശക്തമായ തിരിച്ചടിയാവുകയാണ്.
ഇനിയുള്ള ദിവസങ്ങളില്‍ മണ്ഡലത്തിലുടനീളം വീടുകള്‍ കയറി വോട്ട് അഭ്യര്‍ത്ഥിക്കാന്‍ മോര്‍ച്ചാപ്രവര്‍ത്തകര്‍ കൂടുതലായെത്തും. പ്രവര്‍ത്തനത്തിന്റെ മുന്നൊരുക്കത്തിനായി ഇന്നലെ ന്യൂനപക്ഷമോര്‍ച്ച ജില്ലാ നേതൃയോഗം യോഗം ബിജെപി ജില്ലാ ഓഫീസില്‍ ചേര്‍ന്നു. അല്‍ഫോണ്‍സ് കണ്ണന്താനം ഉദ്ഘാടനം ചെയ്തു. ന്യൂനപക്ഷ മോര്‍ച്ച സംസ്ഥാന പ്രസിഡന്റ് അഡ്വ.നോബിള്‍ മാത്യു മുഖ്യ പ്രഭാഷണം നടത്തി. ബിജെപി ജില്ലാ പ്രസിഡന്റ്.എന്‍. കെ.മോഹന്‍ദാസ്, അഡ്വ. കെ.എസ്. ഷൈജു, എന്‍.എല്‍. ജെയിംസ്, ലാലന്‍ കൊമ്പനായി, ഷിബു ആന്റണി സംസാരിച്ചു.
