കൊല്ക്കത്ത: പ്രിയങ്കാ ഗാന്ധിയുടെ രാഷ്ട്രീയ പ്രവേശനത്തെ വിമര്ശിച്ച് ബീഹാര് ഉപമുഖ്യമന്ത്രിയും മുതിര്ന്ന ബിജെപി നേതാവുമായ സുശീല് കുമാര് മോദി. തെരഞ്ഞെടുപ്പെന്നത് റെസലിങ് മത്സരമോ സൗന്ദര്യ മത്സരമോ അല്ല. മറ്റേതെങ്കിലും തരത്തിലുള്ള മത്സരവുമായി ഇതിന് ബന്ധമില്ലെന്നും ഹൗറയില് നടന്ന റാലിക്കിടെ മാധ്യമപ്രവര്ത്തകരോട് അദ്ദേഹം വ്യക്തമാക്കി.
മുന്കാലങ്ങളിലെ പ്രകടനങ്ങള് മുന്നിര്ത്തിയാണ് ജനങ്ങള് അവരുടെ സമ്മതിദാനം വിനിയോഗിക്കുന്നത്. തെരഞ്ഞെടുപ്പെന്നത് രാഷ്ട്രീയ മത്സരമാണ്. ഈ മത്സരത്തില് ജനങ്ങള് വോട്ട് ചെയ്യുന്നത് സ്ഥാനാര്ത്ഥികളുടെ മുന്കാല പ്രകടനങ്ങളെ അടിസ്ഥാനപ്പെടുത്തിയാണെന്നും സുശീല് പറഞ്ഞു.
പ്രണബ് മുഖര്ജിയെ പ്രധാമന്ത്രിയാക്കാന് ഗാന്ധി കുടുംബം വിസമ്മതിച്ചിരുന്നു. എന്നാല് പ്രധാനമന്ത്രി നരേന്ദ്ര മോദി സര്ക്കാര് ഭാരത രത്ന നല്കി പ്രണബിന് അര്ഹമായ ആദരവ് നല്കിയെന്നും സുശീല് ചൂണ്ടിക്കാട്ടി.
തന്റെ രാഷ്ട്രീയ ജീവിതത്തില് പ്രണബ് ഒരിക്കലും ബിജെപി നേതാവായി പ്രവര്ത്തിച്ചിരുന്നില്ല. കോണ്ഗ്രസ് നേതാവായി ഉടനീളം പ്രവര്ത്തിച്ചിട്ടും അവര് അദ്ദേഹത്തെ പ്രധാനമന്ത്രിയാക്കിയില്ലെന്ന് സുശീല് കൂട്ടിച്ചേര്ത്തു.
