മാമലവാസാ കാനനവാസാ
അഗതികള്ക്കെന്നും അഭയം നീയേ
ശബരിഗിരീശാ അയ്യപ്പാ
പടി പതിനെട്ടിന് പുണ്യം തേടി
പമ്പാ നദിതന് തീരത്തണയും
അനേകകോടി ഭക്തര്ക്കെന്നും
ആശ്രയം നീയേ കരിമലവാസാ
ഹരിയും ഹരനും ഒന്നായലിയും
നിന് കാന്തിയില് ഉതിരും
അനന്തമാം വിശ്വവിഹായസ്സില് തെളിയും
മകരജ്യോതിയെ കണ്ടുവണങ്ങും
ഭക്തര്ക്കെന്നും സായൂജ്യം നീയേ
കേരളനാടിന് പുണ്യം നീയേ
പന്തളരാജ്യത്തിന് കീര്ത്തിയും നീയേ
നിന് തിരുസന്നിധിയില് ആളും
കര്പ്പൂരാഴിയില്
ഭക്തരര്പ്പിച്ചീടും
ദുരിതങ്ങള്ക്കൊക്കെയും
അറുതി വരുത്തീടാന് കനിവുണ്ടാകണേ
മാനസലോലാ
നിന് തൃപ്പാദങ്ങളില് ഒരു തുളസീദളമായി
സമര്പ്പിക്കുമെന് അശ്രുവില്
കുതിരും പ്രാര്ത്ഥനകള്
ചെവിക്കൊള്ളുവാന് മനസ്സുണ്ടാകണേ
ശബരീനാഥാ
