തിരുവനന്തപുരം: ശബരിമലയിലെ നിരോധനാജ്ഞയും നിയന്ത്രണങ്ങളും പിന്വലിക്കുക, അയ്യപ്പഭക്തര്ക്ക് അടിസ്ഥാന സൗകര്യങ്ങള് ഏര്പ്പെടുത്തുക, അയ്യപ്പഭക്തര്ക്കെതിരെയുള്ള കള്ളക്കേസുകള് പിന്വലിക്കുക, ശബരിമലയില് അയ്യപ്പവേട്ട നടത്തിയ പോലീസ് ഉദ്യോഗസ്ഥര്ക്കെതിരെ നടപടി സ്വീകരിക്കുക തുടങ്ങിയ ആവശ്യങ്ങള് ഉന്നയിച്ച് സെക്രട്ടേറിയറ്റിന് മുന്നില് ബിജെപി നടത്തുന്ന നിരാഹാര സമരം നാളെ മുപ്പതാം ദിവസത്തിലേക്ക് കടക്കും.
ബിജെപി സംസ്ഥാന വൈസ് പ്രസിഡന്റ് എന്. ശിവരാജന് ആരംഭിച്ച നിരാഹാരം ഇന്ന് നാലാം ദിവസത്തിലേക്ക്. 28-ാം ദിവസമായ ഇന്നലെ ബിജെപി സംസ്ഥാന കമ്മറ്റി അംഗം ബാദുഷ തങ്ങള് നിരാഹാര സമരം ഉദ്ഘാടനം ചെയ്തു. സംസ്ഥാന സെക്രട്ടറി വി.കെ. സജീവന് അധ്യക്ഷത വഹിച്ചു.
ഒ. രാജഗോപാല് എംഎല്എ, മുന് സംസ്ഥാന അധ്യക്ഷന് കെ.രാമന്പിള്ള, മഹിളാ മോര്ച്ച സംസ്ഥാന അധ്യക്ഷ വി.ടി. രമ, ബിഎംഎസ് മുന് സംസ്ഥാന അധ്യക്ഷന് എം.എസ്. കരുണാകരന്, സംസ്ഥാന സെക്രട്ടറി സി. ശിവന്കുട്ടി, ഭാരതീയ വിചാരകേന്ദ്രം അസിസ്റ്റന്റ് ഡയറക്ടര് ആര്. സഞ്ജയന് തുടങ്ങി നിരവധിപേര് ഇന്നലെ സമരപ്പന്തല് സന്ദര്ശിച്ചു. ബിജെപി സംസ്ഥാന കമ്മിറ്റി അംഗങ്ങളും സംസ്ഥാന കൗണ്സില് അംഗങ്ങളും ശിവരാജന് ഐക്യദാര്ഢ്യം പ്രഖ്യാപിച്ച് സമരപ്പന്തലില് എത്തി.
