കൊച്ചി :പനമ്പിള്ളി നഗര്‍ ബ്യൂട്ടി പാര്‍ലര്‍ വെടിവെപ്പ് കേസില്‍ വഴിത്തിരിവ്. അധോലോക നായകന്‍ രവി പൂജാരയുടെ പേരില്‍ വീണ്ടും വന്ന ഫോണ്‍ സന്ദേശമാണ് കേസില്‍ വഴിത്തിരിവായിരിക്കുന്നത്.
ബ്യൂട്ടി പാര്‍ലറിനു നേരെ വെടിയുതിര്‍ത്തത് തന്റെ ആളുകളല്ലെന്നാണ് സന്ദേശം. കൂടാതെ ലീന മരിയ പോളിനെയല്ല, മറ്റൊരാളാണ് ലക്ഷ്യമെന്നുമാണ് ഇതില്‍ പറയുന്നത്.
അതിനിടെ ലീന മരിയ പോളിന് വന്ന ഭീഷണിയുടെ ശബ്ദരേഖ പോലീസിന് ലഭിച്ചു. രവി പൂജാരയുടെ ശബ്ദമാണോയിതെന്ന് പോലീസ് ഒത്തു നോക്കാനുള്ള ശ്രമവും ആരംഭിച്ചിട്ടുണ്ട്. കേസുമായി ബന്ധപ്പെട്ട് തിങ്കളാഴ്ച ലീന മരിയ പോള്‍ മൊഴി രേഖപ്പെടുത്തി.
കഴിഞ്ഞ രണ്ടുവര്‍ഷത്തിനിടെ രവി പൂജാരയുടെ പേരില്‍ നിരവധി തവണ തനിക്ക് ഫോണ്‍ വിളികള്‍ വന്നിരുന്നു. 25 കോടി ആവശ്യപ്പെട്ടാണ് ഫോണ്‍ വിളികള്‍ വന്നിരുന്നത്. ഈ ഭീഷണികള്‍ കാര്യമാക്കിയിരുിന്നില്ലെന്നാണ് ലീന മരിയ പോള്‍ പോലീസില്‍ മൊഴി നല്‍കിയത്.
