ന്യൂദല്ഹി : പതിനേഴ്കാരിയായ ബ്രസീലിയന് മോഡലിനോട് അശ്ലീലച്ചുവയുള്ള സന്ദേശങ്ങള് അയച്ചെന്ന കുറ്റത്തില് ബോളീവുഡ് ഗായകന് മിക സിങ്ങനെ ദുബായ് പോലീസ് അറസ്റ്റ് ചെയ്തു. മിക സിങ്ങിന്റെ ഗായക സംഘം വാര്ത്ത സ്ഥിരീകരിച്ചിട്ടുണ്ട്.
സംഭവത്തില് യുഎഇ പോലീസ് ചോദ്യം ചെയ്യുന്നതിനായി വിളിപ്പിച്ച മികയെ പിന്നീട് കസ്റ്റഡിയില് എടുക്കുകയായിരുന്നു. വ്യാഴാഴ്ച പുലര്ച്ചെ മൂന്നുമണിയോടെയാണ് ഇയാളെ കസ്റ്റഡിയില് എടുത്തത്. ദുബായിയില് പരിപാടി അവതരിപ്പിക്കുന്നതിന് എത്തിയതാണ് മിക. ഇയാളുടെസംഘത്തോടൊപ്പം ഉണ്ടായിരുന്നതാണ് മോഡലെന്നും റിപ്പോര്ട്ട് പുറത്തുവന്നിട്ടുണ്ട്.
മികയ്ക്കെതിരെ ഇത്തരത്തില് ആരോപണം പുറത്തുവരുന്നത് ഇത് ആദ്യമായല്ല. ഇയാള് അപമര്യാദയായി പെരുമാറിയെന്ന് ആരോപിച്ച് ബോളീവുഡ് താരം രാഖി സാവന്ത് ഉള്പ്പടെ നിരവധി ആളുകള് ഇന്ത്യയില് പരാതി ഉന്നയിച്ചിട്ടുണ്ട്.
