കൊല്ക്കത്ത: ഈസ്റ്റ് ബംഗാളിനെ അവരുടെ തട്ടകത്തില് കീഴടക്കി ചെന്നൈ സിറ്റി ഐ ലീഗില് ഒന്നാം സ്ഥാനം നിലനിര്ത്തി. സാള്ട്ട് ലേക്ക് സ്റ്റേഡിയത്തില് നടന്ന പോരാട്ടത്തില് ഒന്നിനെതിരെ രണ്ട് ഗോളുകള്ക്കാണ് ചെന്നൈ സിറ്റി ജയിച്ചുകയറിയത്. ചെന്നൈ സിറ്റിയുടെ മൂന്നാം വിജയമാണിത്. അതേസമയം ഈസ്റ്റ് ബംഗാളിന്റെ ആദ്യ തോല്വിയും.
കളിയവസാനിക്കാന് മൂന്ന് മിനിറ്റുള്ളപ്പോള് പെനാല്റ്റിയിലൂടെ നെസ്റ്റര് ഗോര്ഡില നേടിയ ഗോളാണ് ചെന്നൈക്ക്് വിജയം നേടിക്കൊടുത്തത്. ആദ്യ പകുതിയുടെ അവസാന നിമിഷങ്ങളില് സാന്ഡ്രോ റോഡ്രീഗ്സ് ചെന്നൈയെ മുന്നിലെത്തിച്ചു.
രണ്ടാം പകുതിയുടെ തുടക്കത്തില് തന്നെ ഈസ്റ്റ് ബംഗാള് ഗോള് മടക്കി സമിനില പിടിച്ചു. എന് റിക്ക് എസ്ക്യൂഡാണ് ഗോളടിച്ചത്. മത്സരം സമനിലയിലേക്ക് നീങ്ങവേ 87-ാം മിനിറ്റില് നെസ്റ്റര് ചെന്നൈയുടെ വിജയഗോള് കുറിച്ചു.
ഈ വിജയത്തോടെ ചെന്നൈ സിറ്റി നാല് മത്സരങ്ങളില് പത്ത് പോയിന്റുമായി ഒന്നാം സ്ഥാനത്ത് തുടരുകയാണ്. ഈസ്റ്റ് ബംഗാളാണ് രണ്ടാം സ്ഥാനത്ത്. അവര്ക്ക് മൂന്ന് മത്സരങ്ങളില് ആറു പോയിന്റുണ്ട്.
