പത്തനംതിട്ട: സുപ്രീം കോടതിവിധിക്ക് പിന്നാലെ നട തുറന്ന മൂന്നാം ദിവസമായ ഇന്ന് രണ്ട് യുവതികള് പോലീസ് സംരക്ഷണയില് ശബരിമലയിലേക്ക് പുറപ്പെട്ടു. കിസ് ഓഫ് ലൗ പ്രവര്ത്തക രഹ്നാ ഫാത്തിമയേയും മാധ്യമ പ്രവര്ത്തക കവിതയുമാണ് ശബരിമലയിലേക്ക് പുറപ്പെട്ടിരിക്കുന്നത്.
ഐജി ശ്രീജിത്തിന്റെ നേതൃത്വത്തിലാണ് പോലീസ് യുവതികള്ക്ക് സുരക്ഷ ഒരുക്കിയിരിക്കുന്നത്. സന്നിധാനത്ത് ഒരു കൂട്ടം ഭക്തര് സംഘടിച്ച് ശരണം വിളികളോടെ പ്രതിഷേധിക്കുകയാണ്. ഇരുന്നൂറോളം പേരാണ് പ്രതിഷേധം സംഘടിപ്പിച്ചിരിക്കുന്നത്. പോലീസ് അനുനയത്തിന് ശ്രമിച്ച് കൊണ്ടിരിക്കുകയാണ്. വാര്ത്ത റിപ്പോര്ട്ട് ചെയ്യുന്നതിന് വേണ്ടിയാണ് കവിത സന്നിധാനത്തേക്ക് പോകാന് തീരുമാനിച്ചത്. ഏതാണ്ട് നൂറോളം പോലീസുകാരുടെ വലയത്തിന് നടുവിലാണ് കവിതയും
ചുംബന സമരവും വത്തക്കാ സമരവും മാറു തുറക്കലുമായി വിവാദങ്ങളില് ഇടംപിടിച്ചയാളാണ് രഹ്നാ ഫാത്തിമ. ഇത്തരത്തില് ഒരു ആക്ടിവിസ്റ്റ് ശബരിമലയില് എത്തിയത് മനപ്പൂര്വ്വം കുഴപ്പം ഉണ്ടാക്കാന് തന്നെയാണ്. ചുംബന സമരത്തിലെ പങ്കാളിത്തത്തിനു ശേഷമാണ് ശരീര രാഷ്ട്രീയ പ്രവര്ത്തനം രഹ്ന ആരംഭിച്ചത്. തന്റെ ബിക്കിനി ചിത്രം സോഷ്യല് മീഡയിയില് ഇട്ടതിന് രഹ്ന മതവാദികളുടെ വധ ഭീഷണി നേരിട്ടിരുന്നു.
തൃശൂര് പുലികളിയില് പെണ്പുലിയായി വേഷമിട്ടും രഹ്ന വാര്ത്തകളില് ഇടം നേടിയിരുന്നു. നഗ്ന ശരീരത്തില് പുലികളിയുടെ പെയിന്റ് അടിച്ചായിരുന്നു പുലികളിക്ക് എത്തിയത്. എന്നാല് യുവതികള് മലയില് എത്തിയാല് നടയടച്ച് താക്കോല് ഏല്പ്പിക്കണമെന്ന് തന്ത്രി കണ്ഠര് രാജീവന് പന്തളം കൊട്ടാരം നിര്ദ്ദേശം നല്കി. ആചാരലംഘനം നടത്തിയാല് മറ്റൊന്നും നോക്കാതെ നട അടയ്ക്കണമെന്ന് പന്തളം കൊട്ടാര നിര്വ്വാഹക സമിതി സെക്രട്ടറി നാരായണ വര്മ്മയാണ് നിര്ദ്ദേശം നല്കിയത്.
